«قىس – قىر استىندا». دەمەك, ارقانى كەڭگە سالىپ, بەيقام وتىرۋعا بولمايدى. ونىڭ ۇستىنە, استانانىڭ ايازىن ءبارىمىز جاقسى بىلەمىز. وسى سەبەپتى قالانىڭ قىسقا دايىندىعى تۋرالى «استانا تازالىق» جشس باسشىسى ازىمبەك باسقانباەۆتان سۇراپ بىلگەن ەدىك.
– قالانىڭ قىسقا ازىرلىگى قانداي؟
– ەلوردادا قىس ماۋسىمىنا دايىندىق تولىق قارقىنمەن ءجۇرىپ جاتىر. قازىرگى ۋاقىتتا 250 قار تازالايتىن تەحنيكا بار. 25 قازانعا دەيىن ولاردىڭ بارلىعى تۇگەل تەكسەرىستەن وتكىزىلەدى. قالا كوشەلەرىنە قار كوپ تۇسكەن مەزگىلدە باسقا مەكەمەلەردەن امبەباپ ماشينالار تارتىلادى. ءبىر اۋىسىمدا قوسىمشا 150-200 «كاماز» جالدانادى. قار شىعاراتىن ورىندار بەينەباقىلاۋ جۇيەسىمەن جابدىقتالعان. قار جيناۋعا قالا كوشەلەرىن قولمەن تازالايتىن 14 بريگادا, سىپىرۋ تەحنيكاسىمەن قامتىلعان جالپى سانى 442 ادام قاتىسادى.
– كوكتايعاقتا قانداي ساقتاندىرۋ شارالارى قاراستىرىلعان؟
– كوكتايعاقتان ساقتانۋ ءۇشىن الدىن الا 25 مىڭ تەكشە مەتر قۇم-تۇز قوسپاسى ازىرلەندى. جالپى, كاسىپورىن 40 مىڭ تەكشە مەتر قۇم دايىنداماق. سونداي-اق, قىستا جول تازالاۋشىلاردىڭ كۇشىمەن جولدىڭ شەتىنە جينالعان قار, جاياۋ جۇرگىنشىلەر جولىنداعى مۇز ويىلىپ شىعارىلادى. اۆتوپاۆيلوندار مەن ولارعا جاقىن جاتقان اۋماق, تۇراقتار, قاسبەتتىڭ ماڭىنداعى قوقىستار جينالادى. مۇز قاتقان تروتۋارلارعا قۇم توسەلەدى.
– اۋلالارىن قالىڭ قار باسقان جاعدايدا تۇرعىندار قايدا حابارلاسا الادى؟
– كۇندىز-ءتۇنى «استانا تازالىق» مەكەمەسىندە 54-58-19, 49-67-90, 38-57-09 تەلەفوندارى جۇمىس ىستەيدى. كەز كەلگەن تۇرعىن وسى نومىرلەرگە حابارلاسۋىنا بولادى.
