15 قازان – قازاقتىڭ ارداقتى پەرزەنتى, اقىن, جازۋشى, قايراتكەر ساكەن سەيفۋلليننىڭ تۋعان كۇنى. وسىعان وراي, استاناداعى ونىڭ اتىنداعى مۋزەيدە سالتاناتتى شارا ءوتتى.
ءدۇيىم جۇرتقا ورتاق مەرەيلى كۇن ارداقتى اقىننىڭ ەسكەرتكىشىنە گۇل شوقتارىن قويىپ, رۋحىنا تاعزىم ەتۋدەن باستالدى. داناگوي قارتتار مەن اقىننىڭ تۋىستارى ۇلى تۇلعا تۋرالى ەستەن كەتپەس ەستەلىكتەرىمەن ءبولىستى. جالىنداعان جاستار شوعىرى ارداقتى اقىننىڭ ولەڭدەرىن كەزەگىمەن جاتقا وقىپ, جىردان شاشۋ شاشتى.
كوپتى قۋانتىپ, تالاي كوڭىلدى اسەرگە بولەگەن سالتاناتتى شارا ساكەن سەيفۋللين مۋزەيىنىڭ ءماجىلىس زالىندا جالعاسىن تاپتى. استانا قالاسى مەكتەپ وقۋشىلارى اراسىنداعى ءداستۇرلى قالالىق «ساكەن وقۋلارى» وتكەن بولاتىن. ارداقتى تۇلعانىڭ تۋعان كۇنىن ۇلىقتاۋ تارتىستى
باسەكەدە توپ جارعان جەڭىمپازداردى ماراپاتتاۋمەن جالعاستى. ساكەن سەيفۋللين مۋزەيى, «نۇر وتان» پارتياسى استانا قالالىق فيليالى جانە
«كەنەسارى حان ساربازدارى» جاستار كلۋبىنىڭ ۇيىمداستىرۋىمەن وتكەن اتالمىش شاراعا استانا قالاسىنداعى 70-كە جۋىق مەكتەپ شاكىرتتەرى قاتىستى.
قاتارىنان ەكى كۇن جالعاسقان تارتىستى باسەكە بارىسىندا جاس بۋىننىڭ ساكەن سەيفۋلليننىڭ ءومىرى مەن شىعارماشىلىعىنا دەگەن قىزىعۋشىلىعى ەرەكشە ەكەنىنە كوز جەتكىزدىك. ارداقتى اقىننىڭ تۋعان كۇنىنە وراي قاتارىنان وزىپ, جۇلدەلى ورىنعا يە بولعان جەڭىمپازدار ماراپاتتالدى.
الاش تۇرسىءنالى,
ساكەن سەيفۋللين
مۋزەيى قىزمەتكەرى
