جاڭالىقتار
«سارى» دەڭگەي بەس ايعا ۇزارتىلدى
ەلىمىزدىڭ اۋماعىندا ەنگىزىلگەن بىرقالىپتى «سارى» تەررورلىق قاۋىپ-قاتەر دەڭگەيىنىڭ مەرزىمى 2017 جىلعى 15 قاڭتارعا دەيىن سوزىلدى.
بۇل تۋرالى قازاقستان رەسپۋبليكاسى انتيتەررور ورتالىعى حابارلايدى. بەلگىلى وقيعالاردان سوڭ, اتالعان دەڭگەيدى 30 تاۋلىككە سوزۋ بويىنشا شەشىم اعىمداعى جىلدىڭ 16 شىلدەسىندە قابىلدانعان بولاتىن. ونىڭ مەرزىمى اياقتالۋعا جاقىن قالعاندىقتان قايتا ۇزارتىلىپ وتىر.
اتالمىش شەشىمدى ۇلتتىق قاۋىپسىزدىك كوميتەتىنىڭ توراعاسى قازاقستان رەسپۋبليكاسى پرەزيدەنتىنىڭ 2013 جىلعى 9 تامىزداعى № 611 «تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋى قاعيدالارىن بەكىتۋ تۋرالى» جارلىعى تالاپتارىنا سايكەس قابىلدادى.