استاناداعى كەنەسارى مەن يانۋشكەۆيچ كوشەلەرىنىڭ قيىلىسىندا ورنالاسقان «م-لومبارد» عيماراتىنا باسىپ كىرگەن ادامعا قاتىستى قر قىلمىستىق كودەكسىنىڭ «قاراقشىلىق» جانە «كەپىلگە الۋ» باپتارى بويىنشا تەرگەۋ ءجۇرىپ جاتىر.
بۇل جونىندە استانا قالاسى ءىىد ءباسپاسوز قىزمەتىنىڭ جەتەكشىسى سوفيا قىلىشبەكوۆا حابارلايدى.
ەسكە سالا كەتەيىك, وتكەن جەكسەنبى كۇنى ورىن العان لومباردتى توناۋ ارەكەتى كەزىندە دابىل تەتىگى ىسكە قوسىلىپ, ەسىك اۆتوماتتى تۇردە قۇلىپتالىپ, ىشتە كۇدىكتى جانە لومباردتىڭ ەكى قىزمەتكەرى قامالىپ قالعان. عيمارات دابىل بەلگىسى ارقىلى كۇزەت فيرماسىنا قوسىلعاندىقتان, لومباردتا كۇزەتشى بولماعان. پوليتسيامەن تەلەفون ارقىلى اڭگىمەدەن كەيىن كۇدىكتى ءوز ەركىمەن بەرىلدى. ىشتەگى ادامدار زارداپ شەكپەي, لومبارد مۇلكىنە دە زيان كەلمەدى.
قالالىق ءىىد دەپارتامەنتىنىڭ مالىمەتى بويىنشا, كۇدىكتى –1974 جىلى تۋعان استانا تۇرعىنى. وپەراتسيا جۇرگىزۋ بارىسىندا ودان پنەۆماتيكالىق قارۋ تاركىلەنىپ, بالليستيكالىق ساراپتاماعا جىبەرىلدى.
