«نۇر وتان» پارتياسىنىڭ استانا قالالىق فيليالى ەسىل اۋداندىق بولىمشەسىنىڭ وكىلدەرى «ءۇنسىز الەم» قوعامدىق قايىرىمدىلىق قورى قىزمەتكەرلەرىمەن كەزدەستى. كەزدەسۋ بارىسىندا الەۋمەتتىك كاسىپورىنداردىڭ سانىن كوبەيتۋ جانە مۇمكىندىگى شەكتەۋلى جانداردى جۇمىسپەن قامتۋ ماسەلەسى ءسوز بولدى.
«كەزدەسۋدىڭ نەگىزگى ماقساتى – «ءۇنسىز الەم» قايىرىمدىلىق قورىنا قالامىزداعى بيزنەس قۇرىلىمدارىنىڭ نازارىن اۋدارۋ جانە مۇمكىندىگى شەكتەۋلى جاندارعا ارنالعان جۇمىس ورىندارىن كوبەيتۋ بولاتىن. بۇل ءۇمىتىمىز اقتالىپ وتىر. كەزدەسۋ بارىسىندا كاسىپكەرلەر اتالمىش قور تۋرالى, قىزمەتكەرلەرى مەن ولاردىڭ قولىنان شىققان الۋان ءتۇرلى ونىمدەرمەن تانىستى. وسىنىڭ ارقاسىندا قوردىڭ بازاسىندا بولاشاقتا مۇمكىندىگى شەكتەۋلى ادامداردى قايتا دايارلاۋ جانە اشىق ەڭبەك نارىعىنا بەيىمدەۋگە ارنالعان مامانداندىرىلعان كاسىپتىك ورتالىق قۇرۋ تۋرالى ۋاعدالاستىققا قول جەتكىزىپ وتىرمىز. بۇل جوبا كاسىپكەرلەردىڭ قولداۋىمەن ىسكە اساتىن بولادى» دەيدى «نۇر وتان» استانا قالالىق فيليالىنىڭ وكىلى راۋشان جاكەنوۆا.
«ءۇنسىز الەم» قايىرىمدىلىق قوعامدىق قورى 2009 جىلدىڭ 21 ساۋىرىندە ەستۋ قابىلەتى تومەن جانداردىڭ باستاماسىمەن قۇرىلعان بولاتىن. قازىرگى تاڭدا قوردا كادەسىي زاتتارى مەن كەز كەلگەن كۇردەلى تىگىن ونىمدەرىن, لوگوتيپتەر جانە ۇلتتىق ويۋ-ورنەك تۇرلەرىنەن ونىمدەر جاسايتىن مۇمكىندىگى شەكتەۋلى 18 ادام جۇمىس ىستەيدى.
بۇعان قوسا, قور جانىندا ەستۋ قابىلەتى تومەن ادامدارعا ارنالعان «سۋردو-اۋدارمانىڭ ديسپەتچەرلىك قىزمەتى» بار. سۋردو-اۋدارماشىلار حابارلاسقان مۇمكىندىگى شەكتەۋلى ادامدار اتىنان ۇيالى تەلەفون ارقىلى ماتىندىك حابارلاما, əلەۋمەتتىك جەلىلەر مەن ەلەكتروندى جəشىكتەرگە حات جىبەرەدى. ءوز كەزەگىندە ديسپەتچەر-سۋردو-اۋدارماشى جەدەل-جəردەم, پوليتسيا, ءورت سوندىرۋشىلەر مەن باسقا دا قۇتقارۋ قىزمەتتەرىن شاقىرۋعا سونداي-اق, ەمدەۋ, əلەۋمەتتىك جəنە وزگە دە مەكەمەلەرگە كەزەك جازا الادى. سونىمەن قاتار, اتالمىش قور تەك قانا مۇگەدەك جاندارعا عانا ەمەس, تۇرمىسى تومەن وتباسىلارعا دا قايىرىمدىلىق كورسەتىپ كەلەدى. قور عيماراتىندا كيىمدەردى قابىلداپ, ءتيىستى وڭدەۋدەن وتكىزگەننەن سوڭ, قاجەت ەتەتىن ادامدارعا بەرەتىن ورتالىق جۇمىس اتقارادى.
«قازاقستاننىڭ بارلىق ايماقتارىنان مۇمكىندىگى شەكتەۋلى قولونەرشىلەر ءوز قولونەر بۇيىمدارىن بىزگە جىبەرىپ جاتادى. ءبىز ولار جىبەرگەن ونىمدەردى ساتىلىمعا شىعۋىنا كومەك بەرەمىز. وسى ماقساتتا استانا قالاسىنىڭ ساۋدا ويىن-ساۋىق ورتالىقتارى جانە استانا قالاسى اكىمدىگىنىڭ «جۇمىسپەن قامتۋ ورتالىعىمەن» تىعىز قارىم-قاتىناستا جۇمىس ىستەپ وتىرمىز. ەندى جوبامىزعا «نۇر وتان» پارتياسى قولداۋ ءبىلدىرىپ وتىر» دەيدى «ءۇنسىز الەم» قق ديرەكتورىنىڭ ورىنباسارى ءلاززات تولەپبەرگەنوۆا.
بۇركىت نۇراسىل
