جاقىندا ەلورداداعى قوعامدىق تاماقتاندىرۋ جانە سەرۆيس كوللەدجىندە جۇمىسسىز ازاماتتار ءۇشىن «شەبەرلىك فورمۋلاسى» ءىس-شاراسى ۇيىمداستىرىلدى.
2020 جىلى ەلباسىنىڭ باستاماسىمەن «جاس مامان» جوباسى جۇزەگە اسىرىلعان بولاتىن. سول «جاس مامان» جوباسىنىڭ ومىرگە كەلۋىنە بايلانىستى كوپ كەشىكپەي «قۇزىرەتتىلىك» ورتالىعى اشىلدى. مۇندا قازىر التى زەرتحانا جۇمىس ىستەيدى.
وسى زەرتحانالاردا «شەبەرلىك فورمۋلاسى» اياسىندا تاماقتاندىرۋدى ۇيىمداستىرۋ قولعا الىندى. ونىڭ نەگىزگى ماقساتى – جۇمىسپەن قامتۋ ورتالىعىمەن بىرلەسە وتىرىپ, جاس ماماندار دايارلاۋ.
– بىزدە قازىر ءۇش ايلىق, التى ايلىق كۋرستار بار. جاس جىگىتتەر مەن قىزدار مۇندا كەلىپ «اسپازدىق ءىسى», «كونديتەرلىك ءىسى», «تىگىنشى» ماماندىقتارى بويىنشا وقىپ, سەرتيفيكات الىپ شىعادى. سول ارقىلى جۇمىسقا ورنالاسادى, – دەيدى قوعامدىق تاماقتاندىرۋ جانە سەرۆيس كوللەدجىنىڭ ديرەكتورى زاۋرە قىلىشباەۆا.
