«Nur Otan» پارتياسىنىڭ ءحVىىى سەزىندە مەملەكەت باسشىسى نۇرسۇلتان نازارباەۆ قازاقستاننىڭ ەڭ ءىرى شاھارلارى – استانا مەن الماتى جانە شىمكەنت قالالارىنىڭ شەتكى ايماقتارىنداعى شەتىن ماسەلەلەردى شەشۋ ءۇشىن 2019-2021 جىلدارى قوسىمشا 90 ميلليارد تەڭگەنىڭ بولىنەتىنىن ايتقان بولاتىن. بۇل تۇرعىدا پرەمەر-مينيستر اسقار مامين استانا قالاسىنا جاقىن ورنالاسقان ەلدى مەكەندەردى ارالاپ, ونداعى الەۋمەتتىك جانە كولىك ينفراقۇرىلىمىنىڭ جاعدايىمەن تانىستى.
شەتكى ايماقتاردى ارالاۋ بارىسىندا اسقار مامين ازاماتتاردىڭ تۇرمىس ساپاسىن جاقسارتۋ بويىنشا, مەملەكەت باسشىسىنىڭ العا قويعان مىندەتتەرىن جەرگىلىكتى اتقارۋشى ورگانداردىڭ قانشالىقتى ورىنداپ, قانداي شارا قابىلداپ جاتقانىنا نازار اۋداردى. اتاپ ايتقاندا, تۇرعىن ءۇي, ءبىلىم بەرۋ, مەديتسينالىق قىزمەت ساپاسى, الەۋمەتتىك جاعداي, كولىك ينفراقۇرىلىمى, كوشەلەردى جارىقتاندىرۋ, ۇزدىكسىز ەلەكترمەن, سۋمەن جابدىقتاۋ ماسەلەلەرى قارالدى. سونىمەن قاتار پرەمەر-مينيستر استانا قالاسى مەن اقمولا وبلىسى تۇيىسەتىن ەلدى مەكەندەر تۇرعىندارىنىڭ باسپانا جاعدايىمەن تانىستى.
ۇكىمەت باسشىسى باستاعان جۇمىس توبى الدىمەن «پريگورودنىي» تۇرعىن الابىنا ات باسىن تىرەدى. استانا قالاسىنىڭ اكىمى باقىت سۇلتانوۆ پرەمەر-مينيسترگە ەلوردانى دامىتۋدىڭ 2023 جىلعا دەيىنگى كەشەندى جوسپارىن ىسكە اسىرۋ تۋرالى باياندادى. قالانىڭ شەتكى اۋداندارىن ورتالىقپەن بايلانىستىراتىن, سونداي-اق جولاۋشىلارعا باراتىن جەرلەرىنە قىسقا ۋاقىت ىشىندە جەتۋگە مۇمكىندىك بەرەتىن جەڭىل رەلستى كولىك جولىن سالۋ ماسەلەلەرىن ايتقان قالا باسشىسى وسى اۋماقتاعى جەر ۇيلەردى ءسۇرىپ, كەڭەيتىلگەن ورىندارعا كوپبالالى جانە تۇرمىسى تومەن وتباسىلاردى باسپانامەن قامتاماسىز ەتۋ ءۇشىن مۋنيتسيپالدىق تۇرعىن ءۇي قۇرىلىسىن جۇرگىزۋ جوسپاردا بار ەكەنىن اتاپ ءوتتى.
بۇل جەردەن كەيىن جۇمىس توبى قابانباي باتىر داڭعىلىنا ات باسىن بۇرىپ, وندا ورتالىق قالا ماگيسترالىن كەڭەيتۋ پەرسپەكتيۆالارى تالقىلاندى. ودان كەيىن ۇكىمەت باسشىسى «ۇركەر» تۇرعىن الابىنداعى وتباسىلىق-دارىگەرلىك امبۋلاتوريا مەن №6 مەكتەپتە بولىپ, وسى اۋماقتاعى ءبىلىم بەرۋ مەن دەنساۋلىق ساقتاۋ جۇيەسىنىڭ جاعدايىن ءوز كوزىمەن كوردى.
ءوز كەزەگىندە اقمولا وبلىسىنىڭ اكىمى مالىك مىرزالين «قاراوتكەل» اۋىلىن استانا قالاسىنىڭ تەڭگەرىمىنە بەرۋ ۇدەرىسى مەن تسەلينوگراد اۋدانىنىڭ الەۋمەتتىك-ەكونوميكالىق دامىتۋدىڭ كەشەندى جوسپارىن ىسكە اسىرۋ جونىندە باياندادى.
سونىمەن قاتار «ۇركەر» تۇرعىن الابىنىڭ شىعىس جاعىندا ورنالاسقان جەكە تۇرعىن ۇيلەرگە ينجەنەرلىك جەلىلەر جۇرگىزۋ, تۇرعىنداردى سۋ دەڭگەيىنىڭ كوتەرىلۋىنەن قورعاۋ ماقساتىندا بوگەت سالۋ ماسەلەلەرى ءسوز بولدى. مۇنداعى ىسكە اسىرىلىپ جاتقان ءىرى جوبالاردىڭ ءبىرى – قالا توڭىرەگىندەگى جول اينالماسىن تۇيىقتايتىن «استانانىڭ وڭتۇستىك-باتىس اينالما جولى» ماگيسترالدى تاس جولىنىڭ سالىنۋى. بۇل قالا ارقىلى وتەتىن ترانزيت پەن ەلوردانىڭ اينالما جولىمەن جۇرەتىن اۆتوكولىكتەر اعىنىن باعىتتاۋعا مۇمكىندىك بەرمەك.
سونداي-اق اسقار مامين بايقوڭىر اۋدانىنداعى «ءوندىرىس» تۇرعىن الابىندا دا بولىپ, ونداعى 120 ورىندىق بالاباقشا مەن №12 باستاۋىش مەكتەبىنە باس سۇقتى. جەرگىلىكتى اتقامىنەرلەر پرەمەر-مينيسترگە وسىنداعى ءبىلىم بەرۋ سالاسىنداعى قازىرگى جاعداي تۋرالى ەگجەي-تەگجەيلى باياندادى. سول سياقتى اۋدان ينفراقۇرىلىمىن, سونىڭ ىشىندە جول-كولىك ينفراقۇرىلىمىن دامىتۋ جوباسى مەن بىرقاتار كوشەنى كەڭەيتۋ جانە ينجەنەرلىك-كوممۋنيكاتسيالىق جەلىلەرمەن قامتاماسىز ەتۋ ماسەلەلەرى ايتىلدى.
ۇكىمەت باسشىسى ەلوردانىڭ شەتكەرى ايماقتارىن ارالاۋدى قوياندى اۋىلىندا قورىتىندىلادى. اۋىلدا 2500 ادامعا شاقتالعان وتباسىلىق دەنساۋلىق ساقتاۋ ورتالىعى جۇمىس ىستەيدى. قازىرگى ۋاقىتتا 1200 ورىندىق مەكتەپتىڭ قۇرىلىسى جۇرگىزىلىپ جاتىر. شەتكى ايماقتاردىڭ تىنىسىمەن تانىسىپ, اتقارىلىپ جاتقان جۇمىستاردى تىڭعىلىقتى تەكسەرىپ شىققان ۇكىمەت باسشىسى اسقار مامين استانا قالاسى مەن اقمولا وبلىسىنىڭ باسشىلارىنا جانە بىرقاتار مينيسترلىك وكىلدەرىنە ءتيىستى تاپسىرمالار جۇكتەدى.
بيلىكتىڭ باستى مىندەتى – جۇرتتى جۇمىسپەن قامتۋ
– بۇگىنگى «نۇر وتان» پارتياسىنىڭ سەزىندە قازاقستاندىقتاردى الاڭداتاتىن الەۋمەتتىك قولداۋ ساياساتىنىڭ قالاي وربيتىنىنە جاۋاپ ايتىلدى. ەلدە قازاقستاندىقتاردىڭ ءال-اۋقاتىن ارتتىرۋعا باعىتتالعان شارالار كۇشەيتىلەتىن بولادى. وسى جىلى الەۋمەتتىك سالاعا رەسپۋبليكالىق بيۋدجەتتىڭ بارلىق شىعىستارىنىڭ 45 پايىزدان استامى باعىتتالادى.
مەملەكەت باسشىسى اتاپ وتكەندەي, تابىسى از ادامدارعا جانە كوپبالالى وتباسىلارعا ەرەكشە كوڭىل بولىنەتىن بولادى. بۇل رەتتە الەۋمەتتىك كومەك تاعايىنداۋدىڭ بارلىق راسىمدەرى جەڭىلدەتىلۋى ءتيىس. مەملەكەت باسشىسى اتاپ وتكەندەي, مەملەكەتتىڭ باستى مىندەتى – جۇرتتى جۇمىسپەن قامتاماسىز ەتۋ. پارتيا الداعى 10 جىلعا ناقتى ماقساتتار قويدى, مىقتى مەملەكەت بولىپ قالىپتاسۋعا ارقايسىمىز ءوز ۇلەسىمىزدى قوسۋعا ءتيىسپىز.
جاڭا باعدارلاما ەلدى جان-جاقتى جاڭعىرتۋىن قامتاماسىز ەتەدى
– جاڭا باعدارلامانىڭ ماقساتى بارلىق قازاقستاندىقتىڭ مۇددەسىنە باعىتتالعان ءارى الەۋمەتتىك سيپاتقا يە. جاڭا باعدارلاما پارتيانىڭ ەلدى جان-جاقتى جاڭعىرتۋىن قامتاماسىز ەتەدى. بۇل باسىمدىقتار پارتيانىڭ تاياۋداعى جىلدارعا ارنالعان باعدارلاماسىندا كورسەتىلگەن.
دامۋدىڭ نەگىزگى قاعيداتتارى: ۇلتتىق بىرلىك, ەكونوميكالىق ءوسۋ جانە گۇلدەنگەن مەملەكەت. مەملەكەت باسشىسى ءوز سوزىندە قازاقستاننىڭ الەۋمەتتىك مەملەكەت رەتىندە دامۋى باستى باسىم باعىتتاردىڭ ءبىرى بولاتىنىن اتاپ ءوتتى. كومەككە اسا مۇقتاج قازاقستاندىقتارعا كورسەتىلىپ, اتاۋلى سيپاتقا يە بولماق.
ساپا مەن قولجەتىمدىلىك ارتادى
– مەملەكەت باسشىسى ەلىمىزدىڭ ءار تۇرعىنىنىڭ ساۋ بولۋى كەرەكتىگىن العا تارتتى. سول سەبەپتى تۇرعىنداردى, ولاردىڭ قاي جەردە تۇراتىندىعىنا قاراماستان, ساپالى مەديتسينالىق قىزمەتتىڭ قولجەتىمدىلىگىمەن قامتۋ ماڭىزدى. ول وتاندىق مەديتسينانى دامىتۋدا, ەڭ الدىمەن اۋرۋلاردىڭ الدىن الۋدى, سالاۋاتتى ءومىر سالتىن ناسيحاتتاۋدى قوزعادى.
قوعامدىق دەنساۋلىق ساقتاۋ مەن باستاپقى مەديتسينالىق-سانيتارلىق كومەك قىزمەتىنە جۇمسالاتىن قاراجات 40-تان 60 پايىزعا ارتتىرىلماق. وسىنىڭ ناتيجەسىندە ستاتسيونارلىق مەديتسينالىق كومەكتى كورسەتۋ ساپاسى مەن قولجەتىمدىلىگى ۇلعاياتىن بولادى.
الەۋمەتتىك سالاداعى وزەكتى ماسەلەلەر جەدەل شەشىمدى تالاپ ەتەدى. ەندى ۇكىمەت ناقتى, ماقساتتى كومەك كورسەتەدى دەگەن ويدامىن. پرەزيدەنت پەن قازاقستاندىقتار جاڭا ۇكىمەتكە سەنىم ارتىپ وتىر. سول سەنىم اقتالادى دەپ ۇمىتتەنەمىن.
مەملەكەتتىك بيلىكتىڭ قاينار كوزى – حالىق
– كونستيتۋتسيانىڭ 3-بابىندا ايتىلعانداي, مەملەكەتتىك بيلىكتىڭ بىردەن-ءبىر قاينار كوزى – حالىق. ەلباسىنىڭ «نۇر وتان» پارتياسىنىڭ كەزەكتى سەزىندە سويلەگەن ءسوزى قازاقستاندىقتاردى بەيجاي قالدىرعان جوق. حالىققا دەگەن قامقورلىقتى بىردەن اڭعارۋعا بولادى. كوپبالالى انالارعا جاسالعان جاعداي بولاشاعىمىزعا قۇيىلعان ينۆەستيتسيا ىسپەتتى. سونداي-اق قازاقستاندىقتاردىڭ ءال-اۋقاتىن ارتتىرۋ ماقساتىندا العا قويعان مىندەتتەر كەدەرگىسىز جۇزەگە اسىرىلاتىنىنا سەنىمىمىز مول. مۇنى ەلباسىنىڭ ءوزى جەكە باقىلاۋىنا الاتىن بولدى.
الەم حالقى وركەنيەتكە ۇمتىلىپ, قارىشتاعان زاماندا حالىقتىڭ الەۋمەتتىك جاعدايى باستى نازارداعى باعىتتاردىڭ ءبىرى بولۋى قاجەت. سوندا عانا ءبىز باسەكەگە قابىلەتتى بولا الامىز. «مەن وزىمە سەنىم ارتقان حالقىمنىڭ بولاشاقتا ەمەس, قازىر باقىتتى بولعانىن كورگىم كەلەدى» دەپ ەلباسى ايتقانداي, حالقى باقىتتى مەملەكەت قانا بيىك بەلەستەردى باعىندىرادى دەپ ەسەپتەيمىن.
