مەملەكەت باسشىسى نۇرسۇلتان نازارباەۆ «نۇر وتان» پارتياسىنىڭ XVIII قۇرىلتايىندا ءىرى قالالارداعى شەتكى ايماقتاردى دامىتۋعا ەرەكشە ءمان بەرىلەتىنىن مالىمدەدى. وسى رەتتە استانا, الماتى جانە شىمكەنت قالالارىنىڭ شەتىندەگى تۇيتكىلدى ماسەلەلەردى شەشۋگە 2019-2021 جىلداردىڭ بيۋدجەتىنە قوسىمشا 90 ملرد تەڭگە بولىنەتىن بولدى.
پرەزيدەنت پارتيانى بەلسەندى جاستار ءۇشىن ەڭ باستى الەۋمەتتىك مۇمكىندىككە يە بولۋعا جانە بارلىق دەڭگەيدەگى مەملەكەتتىك باسقارۋ جۇيەسىنىڭ كادرلار قاينارىنا اينالۋعا ۇندەدى. شىنىندا دا, ۋاقىت ءبىر ورىندا تۇرمايدى. ادامدار بۋىنى تەز ءارى ەلەۋسىز اۋىسىپ جاتىر. وسىنداي كەزەڭدە بىزگە ەكونوميكا مەن ساياساتتا, ءبىلىم بەرۋ مەن عىلىمدا, ونەركاسىپ پەن وندىرىستە تابىستى ادامداردىڭ شوعىرى قاجەت. وسى سالالاردىڭ ارقايسىسىنا جاڭا ادامدار كەلەدى. ولار اتالعان باعىتتاردىڭ ارقايسىسىنىڭ دامۋىنا زور جاۋاپكەرشىلىكتى ءوز موينىنا الا ءبىلۋى ءتيىس
استانا – ەلباسىنىڭ تىكەلەي قامقورلىعىمەن قارقىندى دامىپ كەلە جاتقان قالا. ونىڭ شەتكى ايماقتارىن دامىتۋ – كۇن تارتىبىنەن تۇسپەيتىن ماسەلەلەردىڭ ءبىرى. ويتكەنى ۋرباندالۋ ۇدەرىسى ۇدەگەن زاماندا ەلوردا حالقىنىڭ كوپشىلىگى شەتكى ايماقتارعا قونىستاناتىنى بەلگىلى. كەشە پارتيا اكتيۆىمەن كەزدەسۋ وتكىزگەن «نۇر وتان» پارتياسى ساياسي كەڭەسى بيۋروسىنىڭ مۇشەسى, استانا اكىمى باقىت سۇلتانوۆ حالىقتىڭ ءومىر ءسۇرۋ ساپاسىن جاقسارتۋ ءۇشىن وڭىرلەردىڭ الەۋمەتتىك ينفراقۇرىلىمىن دامىتۋ مەن ءىرى قالالاردىڭ شەتكى ايماقتارىن وركەندەتۋگە كوڭىل بولۋگە باسىمدىق بەرۋى ەلباسىنىڭ تاراپىنان جاسالعان قۋاتتى قولداۋ ەكەنىن اتاپ ايتتى.
ەلىمىزدىڭ ينجەنەرلىك جانە الەۋمەتتىك ينفراقۇرىلىمىن دامىتۋعا ەكپىن ءتۇسىرىپ, ءىرى قالالاردىڭ شەتكى ايماقتارىنىڭ ماسەلەلەرىن جۇيەلى تۇردە شەشۋگە مۇمكىندىك بەرەتىن پارتيالىق «قۇتتى مەكەن» جوباسى اياسىندا استانا قالاسىندا بىرقاتار كەشەندى جۇمىستار قولعا الىندى. قالا باسشىسى باقىت سۇلتانوۆ وسى باعىتتا رەسپۋبليكا بيۋدجەتىنەن ەلوردانىڭ ينجەنەرلىك جانە الەۋمەتتىك ينفراقۇرىلىمىن دامىتۋعا 2019-2021 جىلدارعا 174,5 ملرد تەڭگە قاراستىرىلعانىن جەتكىزدى. سونىڭ ىشىندە 77,1 ملرد تەڭگە بيىل يگەرىلۋگە ءتيىس. بۇل جۇمىستاردىڭ ناتيجەسىندە كوكتال-1, كوكتال-2, تەمىرجولشىلار, وڭتۇستىك-شىعىس تۇرعىن الاپتارىنا تابيعي گاز تارتىلىپ, سونىمەن قاتار قالانىڭ شەتكى اۋداندارى تۇرعىنداردىڭ ساپالى ءومىر ءسۇرۋى ءۇشىن جان-جاقتى اباتتاندىرىلادى.
باقىت تۇرلىحانۇلى ءوز سوزىندە قىسقا مەرزىمدە اتقارىلاتىن باسىمدىق بەرىلگەن مىندەتتەردى, ولاردىڭ قالاي ورىندالاتىنىن ەگجەي-تەگجەيلى باياندادى. سونىمەن…
ءبىرىنشىسى – پارتيانىڭ قوعامدىق قابىلداۋلارىنىڭ جۇمىسىن كۇشەيتۋ.
iKomek جانە پارتيا فيليالىنىڭ قوعامدىق قابىلداۋىن ينتەگراتسيالاۋ اياسىندا «حالىققا كومەك» پارتيالىق جوباسى ىسكە قوسىلادى. بۇل جەردە بايلانىستىڭ بارلىق ارنالارى ماڭىزدى: حالىقپەن تىكەلەي بايلانىس, «سەنىم تەلەفوندارى», شاعىمدارمەن جۇمىس. عالامتوردىڭ كەڭەيتىلگەن مۇمكىندىكتەرىن پايدالانۋ قاجەت.
ەكىنشىسى – قالا مەن ونىڭ شەتكى اۋداندارىن كەشەندى دامىتۋ.
پرەزيدەنت ەلىمىزدىڭ ينجەنەرلىك جانە الەۋمەتتىك ينفراقۇرىلىمىن دامىتۋ, سونداي-اق ءىرى قالالاردىڭ شەتكى اۋداندارىنىڭ ماسەلەسىن شەشۋ ءۇشىن «قۇتتى مەكەن» اتتى پارتيالىق جوبانى ىسكە قوسۋدى تاپسىردى. 2019-2021 جىلدارعا ارنالعان رەسپۋبليكالىق بيۋدجەتتە بۇل ماقساتقا 174,5 ملرد تەڭگە قاراستىرىلعان. سونىڭ ىشىندە 2019 جىلعا – 77,1 ملرد تەڭگە. كەشەندى جوسپاردى جۇزەگە اسىرۋ الداعى 5 جىلدا 121 شاقىرىم اۆتوكولىك جولىن سالۋعا, جىلۋ قۋاتىن 1038 گكال/ساعاتقا جانە ەلەكتر قۋاتىن 120 مۆت/ساعاتقا ۇلعايتۋعا, 231 شاقىرىمدى سۋمەن جابدىقتاۋ جانە سۋ بۇرۋمەن قامتاماسىز ەتۋگە, كوكتال-1, كوكتال-2, تەمىرجولشىلار, وڭتۇستىك-شىعىس تۇرعىن ءۇي الاپتارىن تابيعي گازعا قوسۋ, 530 مىڭ شارشى مەتر نەمەسە 9 مىڭ جالعا بەرەتىن جانە نەسيەلىك پاتەرلەر سالۋعا, قالانىڭ شەتكى اۋداندارىن اباتتاندىرۋعا مۇمكىندىك بەرەدى.
ءۇشىنشىسى – مەملەكەت باسشىسىنىڭ حالقىمىزدىڭ تۇرمىسىن جوعارى دەڭگەيگە كوتەرۋگە قاتىستى جاڭا الەۋمەتتىك باستاماسىن ىسكە اسىرۋ.
استانادا الەۋمەتتىك جاعىنان از قورعالعان جانە كوپبالالى وتباسىلارعا ەرەكشە كوڭىل بولىنەدى. «باقىتتى وتباسى» پارتيالىق جوباسى اياسىندا كومەككە مۇقتاج وتباسىلارعا جاردەم بەرىلەدى. قالانىڭ الەۋمەتتىك سالاعا جۇمسالاتىن شىعىندارى بيىل 150 ملرد تەڭگەنى قۇرايدى, بۇل – بيۋدجەتتىڭ جالپى كولەمىنىڭ 35 پايىزى. جەڭىلدىك ساناتىنا جاتاتىن ازاماتتاردى الەۋمەتتىك قولداۋعا 30-دان اسا تولەم تۇرلەرى قاراستىرىلعان. بۇل ماقساتقا 12,2 ملرد تەڭگە بولىنەدى.
ءتورتىنشىسى – تابىسى تومەن ازاماتتاردىڭ تۇرعىن ءۇي ماسەلەلەرىن شەشۋ. قولجەتىمدى باسپانا قۇرىلىسى ماسەلەسى بيىل دا كۇن تارتىبىنەن تۇسپەيدى. 2018 جىلعى اتقارىلعان اۋقىمدى جۇمىستارعا قاراماستان, بيىل قۇرىلىس قارقىنىن تومەندەتپەۋىمىز كەرەك.
بەسىنشىسى – بيزنەستى مەملەكەتتىك قولداۋ قاعيداتتارىن جاقسارتۋ. قازىرگى كەزدە «بيزنەستىڭ جول كارتاسى-2020» مەملەكەتتىك باعدارلاماسى اياسىندا كورسەتىلەتىن كومەكتىڭ سوماسى, قۇرالدارى انىقتالعان. بۇگىنگە دەيىن پايىزدىق مولشەرلەمەگە جاردەماقشا تولەۋ بويىنشا 1 118,6 ملن تەڭگەگە 18 جوبا ماقۇلداندى.
