ەلورداعا «ەگەمەن قازاقستان» گازەتىنىڭ رەداكتسياسى كوشىپ كەلدى.
«ولەتىن بالا مولاعا قاراي جۇگىرەدى» دەگەن تاۋ بوكتەرىندەگى اسەم شاھاردى تاستاپ, ايازى ۇلىعان ارقادا-اقمولادا نە بار, بۇل يدەيادان تۇك شىقپايدى دەپ ءالى دە كۇمانى باسىم بولىپ, ۇشقارى پىكىر ايتىپ جۇرگەن ءبىراز ارىپتەس, زامانداس ەل گازەتى, قاراشاڭىراق باسىلىم «ەگەمەن قازاقستان» ەلورداعا كوش تۇزەگەن سوڭ اۋزىنا قۇم قۇيىلعانداي اسەردە قالدى. مەملەكەتتىك ورگاندار ءالى تولىق
قازاق سارىارقا توسىنە ولەمىز دەپ ەمەس ونەمىز, ءوسىپ, وركەندەيمىز دەپ ۇلى كوشتى باستادى. شۇكىر, شيرەك عاسىر ىشىندە تسەلينوگراد – اقمولا – استاناداعى قازاقتاردىڭ ۇلەسى 18 پايىزدان 81 پايىزعا دەيىن ءوسىپ, بۇل شاحار ۇلىسىمىزدىڭ ۇيىتقىسىنا, ەلىمىزدىڭ ورداسىنا اينالدى
سارىارقا توسىنە جايلانىپ, جايعاسىپ بولماي جاتىپ-اق, ءالى جاسى قىرىققا جەتپەگەن اقپارات جانە قوعامدىق كەلىسىم مينيسترى التىنبەك سارسەنباەۆ باس گازەتتى باس قالاعا تەزىرەك اكەلۋ جولىندا تاباندىلىق تانىتتى. وسى كەزدە گازەتتىڭ باس رەداكتورى ەرجۇمان سمايىل بولاتىن. مەن ءبىرىنشى ورىنباسار رەتىندە ءمينيستردىڭ ارنايى تاپسىرماسىمەن جارتى جىل بۇرىن استاناعا قونىس اۋدارىپ, دايىندىق شارالارىن باستاپ كەتكەن بولاتىنبىز. اقمولا وبلىسىنىڭ تسەلينوگراد اۋدانى اكىمدىگى وزدەرى وتىرعان ەكى قاباتتى ەسكى عيماراتتى رەداكتسياعا بوساتىپ بەرىپ, كۇردەلى جوندەۋدى باستاپ كەتكەن ەدىك. قازاق سارىارقا توسىنە ولەمىز دەپ ەمەس ونەمىز, ءوسىپ, وركەندەيمىز دەپ ۇلى كوشتى باستادى. شۇكىر, شيرەك عاسىر ىشىندە تسەلينوگراد – اقمولا – استاناداعى قازاقتاردىڭ ۇلەسى 18 پايىزدان 81 پايىزعا دەيىن ءوسىپ, بۇل شاھار ۇلىسىمىزدىڭ ۇيىتقىسىنا, ەلىمىزدىڭ ورداسىنا اينالدى. ەلدىڭ, حالىقتىڭ ءسوزىن ايتاتىن ۇلتتىق باسىلىمنىڭ وسىدان شيرەك عاسىر بۇرىن, دالىرەك ايتقاندا, 1999 جىلعى 20 اقپاندا ەل تورىنە كەلىپ ورنالاسۋى ساياسي جانە رۋحاني ءمانى زور وقيعا بولىپ قالا بەرەدى. اقپاننىڭ ايازى ارقىراپ تۇرعان تاڭعى ساتتە قالا جۇرتشىلىعى ۆوكزالدان شەرحان مۇرتازا مەن ەرجۇمان سمايىل باستاپ كەلگەن «ەگەمەن قازاقستاندىقتاردى» جىلى شىرايمەن قارسى الدى. حالىق اقىنى قونىسباي ءابىل ارناۋ ايتسا, قالامگەر كلارا اپاي امىرقىزى شاشۋ شاشتى». استاناعا تەك «ەگەمەن قازاقستان» عانا كەلگەن جوق, ونىمەن بىرگە ساكەننىڭ, تۇراردىڭ, سماعۇلدىڭ, عابيتتىڭ رۋحى ەرە كەلدى» دەپ گۇرىلدەدى شەراعا. وسى وقيعانى مەن بۇگىندە ەڭبەك ەتەتىن «استانا اقشامى» گازەتى ءبىرىنشى بەتىنەن باستاپ سۇيىنشىلەپ بەرگەن ەكەن. باس باسىلىم كوشىن باس قالاعا باستاپ كەلگەن پرەزيدەنت سىيلىعىنىڭ العاشقى لاۋرەاتى, قازاقستاننىڭ ەڭبەك سىڭىرگەن قايراتكەرى ەرجۇمان سمايىل 1999 جىلدان دۇنيەدەن وتكەن 2018 جىلعا دەيىن تۇرعان «سامال» مولتەك اۋدانىنداعى ۇيىنە ەسكەرتكىش تاقتا ورناتۋ جونىندەگى شەشىمگە قالالىق ارنايى كوميسسيا مۇشەلەرىنىڭ ءدال وسى ايازدى اقپان كۇندەرى قولداۋ ءبىلدىرۋى ءبىر ەرەكشە ۇيلەسىمنىڭ نىشانىنداي بولىپ, شيرەك عاسىر بۇرىنعى وقيعانى ەسىمىزگە ءتۇسىرىپ ەدى.
