ەلورداداعى سىرباي ماۋلەنوۆ اتىنداعى №37 مەكتەپ-ليتسەيدە استانا قالاسىنىڭ ادىستەمەلىك ورتالىعىمەن بىرلەسىپ «زاماناۋي مەكتەپ: دامۋ جانە ىنتىماقتاستىق مۇمكىندىكتەرى» اتتى وڭىرلىك سەمينار ءوتتى. وعان اقمولا, قوستاناي, پاۆلودار, سولتۇستىك قازاقستان, ۇلىتاۋ وبلىستارى مەن استانا قالاسى ورتا ءبىلىم بەرۋ ۇيىمدارىنىڭ باسشىلارى قاتىسىپ, ءىس-تاجىريبەمەن ءبولىستى.
سەميناردا جالپى ءبىلىم بەرەتىن مەكتەپتەر مەن ءارتۇرلى ۇيىمدار اراسىنداعى ىنتىماقتاستىق تاجىريبەسى, ءبىلىم بەرۋ جانە الەۋمەتتىك جوبالار اياسىندا وقۋشىلار مەن مۇعالىمدەر اراسىنداعى ىنتىماقتاستىق قارىم-قاتىناستىڭ ناتيجەلەرى كورسەتىلدى. وقۋشىلاردىڭ فۋنكتسيونالدىق ساۋاتىن دامىتۋ شەڭبەرىندە كىرىكتىرىلگەن ساباقتار, قۇندىلىقتارعا نەگىزدەلگەن ءبىلىم بەرۋ, lesson study ءادىسىن قولداناتىن ساباقتار, حالىقارالىق, قالالىق جانە مەكتەپىشىلىك دەڭگەيدەگى مۇعالىمدەر مەن وقۋشىلاردىڭ جۇمىسىن كەلۋشىلەر تاماشالادى.
رەسپۋبليكالىق سەمينار اياسىندا «شىعارماشىل ۇستاز» ايماعى سالتاناتتى تۇردە اشىلدى. مەكتەپتىڭ 3-قاباتىندا اشىلعان ايماق كوركەم ەڭبەك ءپانى مۇعالىمى ەرلان احمەتقاليەۆتىڭ ەڭبەك جولىنداعى ومىرلىك ءىس-تاجىريبەسىمەن جاسالدى. «شىعارماشىل ۇستاز» ايماعىنىڭ باستى ماقساتى – وقۋشىلارعا رۋحاني ءارى شىعارماشىلىق دەمالىس ايماعىن جاساۋ, ونەرگە دەگەن قىزىعۋشىلىعىن, تالابىن وياتۋ, قولداۋ جانە باعىتتاۋ.
– بالا تاربيەسىندە ەڭ ماڭىزدى دۇنيە بار. بۇل – بالاعا ۋاقىت ءبولۋ. مەكتەپتە ءۇزىلىس كەزىندە بالانى تاربيەلەۋگە 15 مينۋت ۋاقىت بولۋگە بولادى. وسى ورايدا اتا-انالارعا ايتارىم, بالاعا اقىل-كەڭەس, پايدالى دۇنيەلەردى ايتۋعا دا وسى ۋاقىت جەتكىلىكتى. سوندىقتان كۇن سايىن بالاعا تاربيەنى مەكتەپتە پەداگوگتار, ۇيدە اتا-انا بەرسە, بولاشاقتا سانالى ءارى ءبىلىمدى ۇرپاق وسىرەمىز, – دەيدى سىرباي ماۋلەنوۆ اتىنداعى №37 مەكتەپ-ليتسەي ديرەكتورى كۇلجان تۇلەۋوۆا.
