شىعارماشىلىق شۋاعى
كەشە استانا قالاسىنىڭ ءبىلىم باسقارماسى مەن №1 بالالار مۋزىكا مەكتەبىنىڭ ۇيىمداستىرۋىمەن ەرەكشە ءبىلىم بەرۋ قاجەتتىلىكتەرى بار جاس مۋزىكانتتاردىڭ ءىىى قالالىق «شۋاق» ۆوكالدى-اسپاپتىق بايقاۋى ءوتتى.
بايقاۋدىڭ ماقسات-مىندەتى – ەرەكشە ءبىلىم بەرۋ قاجەتتىلىكتەرى بار بالالاردىڭ ۆوكالدى-اسپاپتىق ورىنداۋشىلىققا قىزىعۋشىلىعىن دامىتۋ, شىعارماشىلىق الەۋەتىن اشۋ, ەرەكشە قاجەتتىلىكتەرى بار بالالار اراسىندا ۆوكالدىق جانە اسپاپتىق ونەردى تانىمال ەتۋ جانە ناسيحاتتاۋ, بالالاردىڭ شىعارماشىلىق ءوزىن-ءوزى جۇزەگە اسىرۋىنا جانە الەۋمەتتىك بەيىمدەلۋىنە جاعداي جاساۋ.
جەكە ورىنداۋشىلار اراسىندا بايقاۋ كىشى, ورتا, جوعارى توپتارعا ءبولىندى. اتاپ ايتقاندا, 7-9 جاس, 10-11 جاس, 12-13 جاس, 14-15 جاس. ءار ورىنداۋشى ءبىر شىعارمادان ورىندادى.
بايقاۋعا №2 ارنايى مەكتەپ باسشىسى, وقۋ ورتالىعىنىڭ ساراپتامالىق كوميسسيا مۇشەسى, پەداگوگ-زەرتتەۋشى قۇرالاي قوجامقۇلوۆا, №1 ارنايى مەكتەبىنىڭ مۋزىكا ءپانى مۇعالىمى, پەداگوگ-ساراپشى ايمان يبراەۆا, №3 ارنايى مەكتەبىنىڭ مۋزىكا ءپانى مۇعالىمى, پەداگوگ-مودەراتور ءساتجول كانيبال قازىلىق ەتتى.