استانادا «Smart-مەديتسينا: تاۋەلسىز زەرتحانا دەنساۋلىق ساقتاۋ جۇيەسىنىڭ قاتىسۋشىلارىن بىرىكتىرۋشى جۇيە. ىنتىماقتاسۋدىڭ جاڭا مۇمكىندىكتەرى» اتتى عىلىمي-تاجىريبەلىك كونفەرەنتسيا ءوتتى. ونى ۇيىمداستىرۋشى – «INVITRO» تاۋەلسىز زەرتحاناسى. بۇل ساراپتامالىق ورتالىق رەسەي, ۋكراينا, بەلورۋسسيا ەلدەرىندە ۇلكەن سۇرانىسقا يە بولىپ, زەرتحانالىق دياگنوستيكا نارىعىندا كوشباسشىلاردىڭ قاتارىندا.
كونفەرەنتسياعا ەلىمىزدىڭ جەتەكشى دارىگەرلەرى, بىرقاتار كومپانيالاردىڭ زەرتحانالىق دياگنوستيكا سالاسىندا ەڭبەك ەتىپ جۇرگەن ماماندارى, قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ وكىلدەرى قاتىستى. عىلىمي-تاجىريبەلىك كونفەرەنتسيادا كلينيتسيستەرگە زەرتحانالىق دياگنوستيكا سالاسىنداعى سوڭعى جەتىستىكتەردى, زاماناۋي كلينيكالىق زەرتتەۋلەردىڭ ەرەكشەلىكتەرى تۋرالى اقپارات بەرىلدى. سونىمەن قاتار, قازاقستاندا ءوز جۇمىسىن 2013 جىلى باستاعان كومپانيانىڭ تەحنولوگيالىق كەشەنىنىڭ اشىلۋىنا وراي ۇيىمداستىرىلعان شارا بارىسىندا «دارىگەردىڭ جەكە كابينەتى» دەپ اتالاتىن يننوۆاتسيالىق قىزمەت قازاقستان دارىگەرلەرىنىڭ نازارىنا ۇسىنىلدى. بۇل قىزمەت زەرتحانالىق زەرتتەۋلەردى ونلاين تاعايىنداۋعا, تالداما ناتيجەلەرىن الۋعا, ناۋقاستىڭ قانداي دا ءبىر كورسەتكىشتەرىندەگى وزگەرىستەردى باعالاپ, ەمدەلۋ بارىسىن باقىلاپ, قاجەت بولعان جاعدايدا تۇزەتۋلەردى ەنگىزۋگە مۇمكىندىك بەرەدى.
دارىگەردىڭ جەكە كابينەتىندە ۇسىنىلعان مۇمكىندىكتەرگە ءبىرىنشى بولىپ الماتى جانە استانا قالالارىنىڭ 30 دارىگەرى ءوز باعاسىن بەرەتىن بولادى. ەكى اپتا بويى ولار تەستىلىك جاعدايدا وسى قىزمەتتى پايدالانىپ, ءوز پىكىرلەرىن بىلدىرەدى. ءتيىستى مەرزىمنىڭ سوڭىندا ءار مامان جۇيەگە ءوز باعاسىن بەرەدى. ولاردىڭ پىكىرىن نەگىزگە الا وتىرىپ, قازاقستاندا «دارىگەردىڭ جەكە كابينەتىن» ودان ءارى ەنگىزۋ جونىندە شەشىم قابىلدانباقشى.
گۇلنار جۇپاربەك,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
