ەلوردالىق «جەرۇيىق» پاركىندە مەرەكەلىك ەتنواۋىل اشىلادى. مۇندا قالا تۇرعىندارى مەن قوناقتارى قازاق حالقىنىڭ ۇلتتىق تاعامدارىنان ءدام تاتىپ, سالت-داستۇرلەرىمەن ەتەنە تانىسا الادى دەپ حابارلايدى استانا قالاسى اكىمىنىڭ رەسمي سايتى.
ساياباق اۋماعىندا بارلىعى بەس كيىز ءۇي تىگىلەدى. سونىمەن قاتار, «شاڭىراق كوتەرۋ» ءداستۇرى كوپشىلىكتىڭ نازارىنا ۇسىنىلادى. شاڭىراق كوتەرۋ – ۇلتىمىزدىڭ بىرتۇتاستىعىن, كەمەڭگەرلىگىن, ەڭبەكقورلىعىن كورسەتەدى. ەتنواۋىلعا كەلگەن بارلىق استانالىقتار ءوز قولدارىمەن كيىز ءۇي تىگىپ, كوشپەندى حالىقتىڭ ءۇي تۇرعىزۋ مادەنيەتىمەن تانىسادى.
ەتنواۋىلدىڭ ەرەكشەلىكتەرىنىڭ ءبىرى – شەبەرلەر ءۇيى. وندا ۇلتتىق اشەكەيلەر مەن بۇيىمدار قويىلادى. قوناقتار قولونەر شەبەرلەرىنىڭ كىلەم توقىپ, زەرگەرلىك بۇيىمدار سوعىپ, اعاش ويعاندارىن تاماشالاي الادى. اتالمىش كيىز ۇيدە قولدانبالى ونەر بۇيىمدارىنىڭ كورمەسى دە ۇيىمداستىرىلماق.
تاعى ءبىر ەرەكشە كيىز ءۇي – ساياتشىلار ءۇيى. مۇندا كوشپەلى حالىققا ءتان اڭشىلىق ونەردىڭ قىر-سىرىمەن تانىسۋعا بولادى.
