مامىر مەرەكەلەرى قارساڭىندا قالانىڭ بارلىق اۋداندارى قايتا بەزەندىرىلەدى. قالا كوشەلەرى مەن الاڭداردا, شاعىن باقتار مەن ساياباقتاردا ليۋمينەستسەنتتى جارىق قويىلعان قاقپالار ورناتىلىپ, دەكوراتيۆتى پاننولار مەن شاعىن ارحيتەكتۋرالىق پىشىندەر پايدا بولادى.
سارىارقا اۋدانىندا جارىق بەرۋ تىرەكتەرى مەن ارنايى جاسالعان قۇرىلىمدارعا تىك جانە كولدەنەڭ جالاۋلاردى ورناتۋ جوسپارلانعان. سونداي-اق, «ەكى جاۋىنگەر» باعى مەن ءاليا مولداعۇلوۆاعا ارنالعان ەسكەرتكىش, قالالىق الاڭ مەن «جاستار» تەاترىنىڭ الدىنداعى الاڭ دا بەزەندىرىلەدى.
ەسىل اۋدانىندا جيىرما يلليۋميناتسيالىق جارىق قاقپا, قابانباي باتىر جانە تۇران داڭعىلدارىندا, سارايشىق, د.قوناەۆ, دوستىق, سىعاناق جانە باسقا دا كوشەلەردە 530 بەينە باعان ورناتىلدى.
الماتى اۋدانىندا رەسپۋبليكا, ابىلاي حان جانە تاۋەلسىزدىك داڭعىلدارى, تاشەنوۆ, بايتۇرسىنوۆ, قوشقارباەۆ جانە باسقا كوشەلەردەگى باعاندار بويىنا وتان قورعاۋشىلار كۇنى مەن جەڭىس كۇنىنە وراي مەرەكەلىك جالاۋشالار ىلىنەدى. «جەرۇيىق» ساياباعىنىڭ اۋماعىندا جانە وتان قورعاۋشىلار الاڭىندا اشەكەيلى پاننولار قويىلادى.
تۇرماعانبەت كەنجەباەۆ
