استانادا قالداياقوۆ كوشەسىندە كولىك قوزعالىسىنا ءىشىنارا شەكتەۋ ەنگىزىلەدى, دەپ حابارلايدى astana-akshamy.kz
LRT قۇرىلىسىن جۇرگىزۋ جوسپارىنا سايكەس, ماگيسترالدى ءجۇرىس بولىگىنە ىرگەلەس ۋچاسكەلەردە استانا قالاسىنىڭ پوليتسيا دەپارتامەنتىنىڭ كەلىسىمى بويىنشا ش.قالداياقوۆ كوشەسى بويىنداعى جول قوزعالىسىنا وزگەرىس ەنگىزىلەدى.
26 ساۋىردەن 16 شىلدەگە دەيىن م3 كوپىرىنەن ج. ناجىمەدەنوۆ كوشەسىنە (ي. پانفيلوۆ كوشەسى) دەيىنگى ارالىقتا قۇراما تەمىربەتون ارقالىقتاردى مونتاجداۋ جۇمىستارىن جۇرگىزۋ ءۇشىن ش.قالداياقوۆ كوشەسىندەگى قوزعالىس ءىشىنارا شەكتەتىلەدى جانە قوزعالىس جولاقتارى قىسقارتىلادى. بۇل رەتتە مىناعان تىيىم سالىنادى:
– م3 كوپىرىنەن تاۋەلسىزدىك داڭعىلىنا قاراي تۋرا جۇرۋگە;
– م3 كوپىرىنەن ج.ناجىمەدەنوۆ كوشەسىنە سولعا قاراي بۇرىلۋعا;
– ي.پانفيلوۆ كوشەسىنەن م3 كوپىرىنە سولعا قاراي بۇرىلۋعا;
– ج.ناجىمەدەنوۆ كوشەسىنەن ش. قالداياقوۆ كوشەسىنە سولعا قاراي بۇرىلۋعا.
رۇقسات ەتىلەدى:
– م3 كوپىرىنەن وڭ جاق سەز ارقىلى ي.پانفيلوۆ كوشەسىنە بۇرىلۋعا;
– ي.پانفيلوۆ كوشەسىنەن ش. قالداياقوۆ كوشەسىنە وڭ سەز ارقىلى بۇرىلۋعا.
26 ساۋىردەن 18 مامىرعا دەيىن ج. ناجىمەدەنوۆ كوشەسىنەن (ي. پانفيلوۆ كوشەسى) تاۋەلسىزدىك داڭعىلىنا دەيىنگى ارالىقتا قۇراما تەمىربەتون ارقالىقتاردى مونتاجداۋ جۇمىستارىن ورىنداۋ ءۇشىن قالداياقوۆ كوشەسىندەگى قوزعالىسقا تولىق شەكتەۋ ەنگىزىلەدى. بۇل رەتتە:
– «فرانتسۋز كۆارتالى» تك, «يتاليا كۆارتالى» تك, «اۆستريالىق كۆارتال» تك, «Monaco Residense» تك تۇرعىندارى ءۇشىن جەرگىلىكتى جول ارقىلى وڭتۇستىك باعىت بويىنشا اۆتوكولىك قوزعالىسىنا رۇقسات ەتىلەدى;
– ش.قالداياقوۆ كوشەسىنىڭ نەگىزگى ءجۇرىس بولىگىنە جەرگىلىكتى جولدان شىعۋعا, سونداي-اق ش. قالداياقوۆ كوشەسىنەن تاۋەلسىزدىك داڭعىلىنا سولعا جانە وڭعا بۇرىلۋعا تىيىم سالىنادى;
– تاۋەلسىزدىك داڭعىلىنان م3 كوپىرىنە قاراي باتىس باعىتتا كولىك قوزعالىسى جولاقتاردى قىسقارتۋ جولىمەن جۇزەگە اسىرىلادى.
بۇل رەتتە ج. ناجىمەدەنوۆ كوشەسى (ي. پانفيلوۆ كوشەسى) جانە تاۋەلسىزدىك داڭعىلى بويىندا وتپەلى قوزعالىس اشىق بولادى.
ەلوردا قوناقتارى مەن تۇرعىندارى جول ءجۇرۋ باعىتىن الدىن الا جوسپارلاۋى قاجەت.
