جىل سايىن 26 ساۋىردە چەرنوبىل اەس اپاتىندا قازا تاپقانداردى حالىقارالىق ەسكە الۋ كۇنى اتالىپ وتىلەدى, دەپ حابارلايدى astana-akshamy.kz
وسىدان تۋرا 38 جىل بۇرىن چەرنوبىل اتوم ەلەكتر ستانتسياسىندا الەمدەگى ەڭ ءىرى تەحنوگەندىك اپات بولدى. چەرنوبىل اتوم ەلەكتر ستانساسىنداعى اپاتتىڭ سالدارىن جويۋعا اتسالىسقانداردىڭ ەرلىگى مەن جانكەشتىلىگى بولماسا, اپاتتىڭ اۋقىمى بۇدان دا ارتا ءتۇسۋى مۇمكىن ەدى. ومىرلەرى مەن دەنساۋلىعىنا قاۋىپ توندىرە وتىرىپ, ولار ادامداردى رادياتسيانىڭ زياندى اسەرىنەن جانە ودان ءارى تارالۋىنان قورعادى.
بۇگىن چەرنوبىل اەس-ىندەگى اپاتتى جويۋشىلار استانا قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ ارداگەرلەرمەن جۇمىس ءبولىمىنىڭ قىزمەتكەرلەرىمەن بىرگە چەرنوبىل اەس قۇرباندارىن ەسكە الدى.
ءدال وسى كۇنى, 1986 جىلى 26 ساۋىردە چەرنوبىل اتوم ەلەكتر ستانتسياسىندا الەمدەگى ەڭ ءىرى تەحنوگەندىك اپات بولدى. اتموسفەراعا 190 توننادان استام راديواكتيۆتى زاتتار شىعارىلدى.
استانا قالاسى ءماسليحاتىنىڭ 2023 جىلعى 3 قازانداعى № 84/10-VIII «استانا قالاسىندا الەۋمەتتىك كومەك كورسەتۋدىڭ, ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىن بەكىتۋ تۋرالى» استانا قالاسىندا تۇراتىن ۇلى وتان سوعىسى ارداگەرلەرىنە جەڭىلدىكتەر بويىنشا تەڭەستىرىلگەن تۇلعالارعا, ونىڭ ىشىندە چەرنوبىل اتوم ەلەكتر ستانتسياسىنداعى اپاتتىڭ زارداپتارىن جويۋعا قاتىسقان ارداگەرلەرگە كەلەسى كومەك تۇرلەرى قاراستىرىلعان: (485 ادام)
– قالالىق جولاۋشىلار كولىگىندە جەڭىلدىكتى جول ءجۇرۋ;
– تەگىن ءدارى-دارمەكپەن قامتاماسىز ەتۋ 4 ەمحانا ارقىلى (شەۆچەنكو كوشەسى, 1)
– ساناتورلىق-كۋرورتتىق ەمدەلۋ جىلىنا ءبىر رەت (قاتاركول ساناتوري);
– ەكى جىلدا ءبىر رەت ءتىس پروتەزدەۋ قىزمەتتەرى;
– اي سايىن 4,5 اەك مولشەرىندە (16 614 تەڭگە) بولىنەتىن كوممۋنالدىق قىزمەتتەر ءۇشىن اقشالاي وتەماقى;
– 26 ءساۋىر (چەرنوبىل اتوم ەلەكتر ستانتسياسىنداعى اپات قۇرباندارىن ەسكە الۋ كۇنى) بىررەتتىك تولەم 45 اەك (166 140 تەڭگە).
