ەكى كۇندىك وقىتۋ ترەنينگى وتكىزىلدى
№10 قالالىق ەمحانادا ەلوردالىق دارىگەرلەر ءۇشىن 11 جاستاعى قىزدارعا ادام پاپيللوماۆيرۋسىنا قارسى ۆاكتسينانى سالۋ ماڭىزى تۋرالى ارنايى ەكى كۇندىك وقىتۋ ترەنينگى ءوتتى, دەپ حابارلايدى astana-akshamy.kz
ءىس-شارا قالالىق سانيتارلىق-ەپيدەميولوگيالىق باقىلاۋ دەپارتامەنتىمەن بىرلەسىپ ۇيىمداستىرىلدى.
ادام پاپيللوماۆيرۋسى (اپۆ) – ءارتۇرلى مۇشەلەردىڭ تەرى مەن شىرىشتى قاباتتارىنا اسەر ەتەتىن كەڭ تارالعان ۆيرۋستار توبى. ونىڭ 14 ءتۇرى ونكوگەندى – ونكولوگيانىڭ دامۋىنا اكەلەدى. ءتىپتى جاتىر موينى وبىرىنىڭ دامۋىن ايەلدىڭ ادام پاپيللوماۆيرۋسىن جۇقتىرۋىمەن بايلانىستىرادى. ددۇ مالىمەتتەرى بويىنشا 4 ەلدە اپۆ ۆاكتسيناسىن ەنگىزگەننەن كەيىن اۋرۋدىڭ تارالۋى ايتارلىقتاي تومەڭدەدى.
قازاقستاندا اعىمداعى جىلدىڭ كۇز مەزگىلىنەن باستاپ 11 جاستاعى قىزداردى ۆاكتسيناتسيالاۋ جوسپارلانۋدا. بۇل جاس ونكولوگتاردىڭ ۇسىنىسىنا سايكەس تاڭدالدى: 11-14 جاس ارالىعىندا يممۋنداۋ تۇراقتى يممۋنيتەتتى قالىپتاستىرادى. ۆاكتسيناتسيا اتا-اناسىنىڭ كەلىسىمىن العاننان كەيىن جۇرگىزىلەدى.
ايتا كەتسەك, الەمدە بۇل ۆاكتسيناعا سۇرانىس وتە جوعارى. بۇگىنگى تاڭدا اپۆ ۆاكتسيناسى 15 جىلدان استام بويى الەمنىڭ 135 ەلىندە قولدانىلىپ كەلەدى.