«قاۋىپسىزدىك ساعاتى» قالالىق جوباسى شەڭبەرىندە ەلوردانىڭ ءبىلىم بەرۋ ۇيىمدارىندا دارىستەر, كەزدەسۋلەر جانە اتا-انالار جينالىستارى جالعاسۋدا, دەپ حابارلايدى astana-akshamy.kz
وسىنداي ءىس-شارالار قالانىڭ بارلىق مەكتەپتەر مەن كوللەدجەرىندە وقۋ جىلى بويى وتكىزىلەدى.
كامەلەتكە تولماعاندار اراسىنداعى قۇقىق بۇزۋشىلىق ماسەلەلەرىندە وقۋشىلاردىڭ قۇقىقتىق مادەنيەتىن ارتتىرۋ ماقساتىندا 2024 جىلعى 24 ساۋىرىندە ZOOM پلاتفورماسىندا استانا قالاسى بالا قۇقىقتارى جونىندەگى ۋاكىلىمەن بىرقاتار تاقىرىپتار اياسىندا ونلاين كەزدەسۋ ءوتتى. ولار – «بالالار قاۋىپسىزدىگى», «جاستار اراسىنداعى ينتەرنەتكە تاۋەلدىلىكتىڭ الدىن الۋ», «كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ», «جاز مەزگىلىندەگى جولداعى, اتتراكتسيونداعى, سۋ قويمالارىنداعى قاۋىپسىزدىك» جانە ت.ب.
كەزدەسۋگە ءبىلىم باسقارماسى, استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى, توتەنشە جاعداي دەپارتامەنتى, پوليتسيا دەپارتامەنتى, دەنساۋلىق ساقتاۋ باسقارماسى جانە ومبۋدسمەندەر قاتىستى.
«قاۋىپسىزدىك ساعاتى» جوباسى اياسىندا ءبىلىم باسقارماسى استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيامەن بىرلەسىپ, كامەلەتكە تولماعاندار, قالانىڭ ءبىلىم بەرۋ ۇيىمدارىنىڭ اتا-انالارى مەن پەداگوگتەرى اراسىندا قۇقىق بۇزۋشىلىقتىڭ الدىن الۋ جانە ت.ب. ماسەلەلەر بويىنشا ءتۇسىندىرۋ جۇمىستارىن جۇرگىزەدى.
كامەلەتكە تولماعاندار اراسىنداعى قۇقىق بۇزۋشىلىق, بالالار قاۋىپسىزدىگى ماسەلەلەرىندە وقۋشىلاردىڭ قۇقىقتىق مادەنيەتىن ارتتىرۋ ماقساتىندا ءار سپيكەر مەن ومبۋدسمەن ءسوز الىپ, سۇبەلى دارىستەرىن جەتكىزۋگە تىرىستى.
سپيكەرلەر مەن ومبۋدسمەندەر تاراپىنان سان الۋان سۇراقتار ءتۇسىپ, قىزۋ پىكىر-تالاسپەن جالعاستى.
ونلاين كەزدەسۋگە 200-دەن استام ومبۋدسمەن قاتىستى.
