«قازمەديا ورتالىعىندا» مادەنيەت جانە اقپارات مينيسترلىگىنىڭ تاپسىرىسى بويىنشا «قازىرگى زامانعى الەمدەگى مەدياتسيا» حالىقارالىق فورۋمى ءوز جۇمىسىن باستادى, دەپ حابارلايدى astana-akshamy.kz
اتالعان ءىس-شارا مەدياتسيا سالاسىندا تاجىريبە جانە ءبىلىم الماسۋ ءۇشىن قازاقستان, بولگاريا جانە ءۇندىستاننىڭ مەدياتور-ساراپشىلارىنىڭ باسىن قوسىپ وتىر.
جالپى ءبولىمنىڭ اشىلۋ سالتاناتىندا ازاماتتىق قوعام ىستەرى كوميتەتىنىڭ توراعاسى گۇلبارا سۇلتانوۆا قۇتتىقتاۋ ءسوز سويلەدى.
«مەدياتسيا – ءومىردىڭ بارلىق سالالارىندا ازاماتتار ءومىرىنىڭ اجىراماس بولىگى. ازاماتتاردىڭ ءوزارا بەيبىت ءوزارا ءىس-قيمىلىن قامتاماسىز ەتۋ پروتسەستەرىن جەڭىلدەتەدى. قر مادەنيەت جانە اقپارات مينيسترلىگى مەدياتسيا جۇيەسىنىڭ جۇمىس ىستەۋىن جانە دامۋىن قامتاماسىز ەتۋ جونىندەگى ۋاكىلەتتى ورگان رەتىندە قازىرگى ۋاقىتتا سوتتان تىس مەدياتسيا ينستيتۋتىن ودان ءارى دامىتۋ تۇجىرىمداماسىن ازىرلەۋ جونىندە جۇمىس جۇرگىزۋدە. سوعان وراي بارلىق مەدياتورلاردى بەلسەندى تۇردە قاتىسۋعا شاقىرامىز», – دەدى گۇلبارا سۇلتانوۆا.
كەزدەسۋ قازاقستان, بولگاريا جانە ءۇندىستان مەدياتورلارىنىڭ, سەنات دەپۋتاتتارىنىڭ, ءىىم, كونستيتۋتسيالىق, يۋۆەنالدى جانە جوعارعى سوت وكىلدەرىنىڭ, مەدياتورلار بىرلەستىكتەرى ۇيىمدارىنىڭ باسشىلارىنىڭ قاتىسۋىمەن ءوتتى.
فورۋم شەڭبەرىندە ينتەراكتيۆتى پانەلدىك پىكىرتالاستار, «قازاقستان – بولگاريا: مەدياتسيانى قولدانۋدىڭ حالىقارالىق تاجىريبەسى» تاقىرىبىندا سەمينارلار ءوتتى. وندا قاتىسۋشىلار ەكى ەلدەگى مەدياتسيا تاجىريبەسىن ەگجەي-تەگجەيلى زەردەلەپ, يدەيالار مەن تاجىريبە الماستى. كۇن قاتىسۋشىلارعا سەرتيفيكاتتار تابىستاۋمەن اياقتالدى.
ەرتەڭ فورۋم دەلەگاتتارى استانانىڭ يۋۆەنالدى سوتىنىڭ تاتۋلاستىرۋ ورتالىعىنا جانە «جانۇيا» وتباسىن قولداۋ ورتالىعىنا بارادى. وندا فورۋمعا قاتىسۋشىلار مەدياتسيانى سوت پراكتيكاسىندا جانە وتباسىلاردى قولداۋ جۇيەسىندە قولدانۋ تەتىكتەرىمەن تانىسادى.
گرانتتىق جوبا اياسىندا فورۋمدى «حالىقارالىق كەلىسسوزدەر اكادەمياسى» قاۋىمداستىعى» زتب وتكىزدى.
