ەلىمىزدىڭ بارلىق وڭىرلەرىندە «Birgemiz»جالپىۇلتتىق جوباسى اياسىندا ۆولونتەرلىك سالاداعى ناقتى جەرگىلىكتى مىندەتتەردى شەشۋ ءۇشىن باستامالاردى جۇزەگە اسىرۋعا ارنالعان شاعىن گرانتتار بايقاۋى باستالادى. وتىنىمدەردى «Birgemiz» جوبالارىن جۇزەگە اسىرىپ, شاعىن گرانتتار بايقاۋىنا قاتىسۋ ماسەلەلەرى بويىنشا كەڭەس بەرەتىن 8 ۇەۇ قابىلدايدى, دەپ حابارلايدى astana-akshamy.kz/.
«Birgemiz گرانتتىق باعدارلاماسى» ازاماتتىق باستامالاردى قولداۋ ورتالىعىنىڭ گرانتتىق قارجىلاندىرۋ اياسىندا قر مادەنيەت جانە اقپارات مينيسترلىگىنىڭ تاپسىرىسى بويىنشا ءۇشىنشى جىل قاتارىنان تابىستى جۇزەگە اسىرىلۋدا. مەملەكەتتىك گرانتتاردى ۆولونتەر بوپ سانالاتىن, كامەلەتكە تولعان قازاقستاندىقتار جانە باستاماشىل توپتار مەن ۇەۇ-لار الا الادى. بايقاۋ اياسىندا 300 000 تەڭگەنى قۇرايتىن 240 شاعىن گرانت بەرىلەدى:
BIRGEMIZ: Bilim – ۆولونتەرلەردى تارتۋ ارقىلى حالىقتىڭ ءارتۇرلى توپتار اراسىندا, ونىڭ ىشىندە اۋىلدىق جەرلەردە تسيفرلىق, قارجىلىق, تىلدىك, كومپيۋتەرلىك ساۋاتتىلىق دەڭگەيىن ارتتىرۋ;
BIRGEMIZ: Saýlyq – دەنساۋلىق ساقتاۋ سالاسىندا ۆولونتەرلەردى تارتۋ, ونىڭ ىشىندە ستاتسيونارلىق جاعدايدا ەم ۇسىناتىن مەديتسينالىق مەكەمەلەرگە (حوسپيستەر, ونكولوگيالىق ديسپانسەرلەر جانە ت.ب.) ۆولونتەرلەردى تارتۋ;
BIRGEMIZ: Sabaqtastyq – بالالار ۇيلەرىندەگى بالالارعا, سونداي-اق الەۋمەتتىك قورعاۋ جۇيەسىنىڭ الەۋمەتتىك قىزمەت كورسەتۋ ورتالىقتارىندا ومىرلىك قيىن جاعدايعا تاپ بولعان بالالار مەن جاستارعا, حالىقتى الەۋمەتتىك قورعاۋ جۇيەسىنىڭ الەۋمەتتىك قىزمەت كورسەتۋ ورتالىقتارىندا جانە وسى باعىتقا سايكەس كەلەتىن باسقا دا جوبالاردا ۆولونتەرلەرگە تالىمگەرلىك ەتۋ تاجىريبەسىن ەنگىزۋ;
BIRGEMIZ: Taza Álem – قورشاعان ورتانى قورعاۋ, وزەندەر مەن ورمانداردى تازارتۋ, اعاش وتىرعىزۋ, قوقىستاردى سۇرىپتاۋعا ۇيرەتۋ جانە وسى باعىتقا سايكەس كەلەتىن باسقا دا جوبالار;
BIRGEMIZ: Asyl mura – تاريحي-مادەني مۇرا نىساندارىن ساقتاۋ جانە وسى باعىتقا سايكەس كەلەتىن باسقا دا جوبالار;
BIRGEMIZ: Qamqor – قارتتار ۇيلەرىندەگى, حالىقتى الەۋمەتتىك قورعاۋ جۇيەسىنىڭ الەۋمەتتىك قىزمەت كورسەتۋ ورتالىقتارىنداعى ۆولونتەرلىك قىزمەت جانە وسى باعىتقا سايكەس كەلەتىن باسقا دا جوبالار;
BIRGEMIZ: Úmit – جوعالعان ادامداردى ىزدەۋ, اپاتتار قاۋپىن ازايتۋ, تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋ;
BIRGEMIZ: Ayala – جانۋارلارعا جاۋاپكەرشىلىكپەن قاراۋدى قالىپتاستىرۋ.
وتىنىمدەردى قابىلداۋ 2024 جىلعى 25 ساۋىردەن 14 مامىرعا دەيىن جالعاسادى. قاجەتتى قۇجاتتاردىڭ ءتىزىمى, ۇيىمداستىرۋشىلاردىڭ بايلانىس نومىرلەرى, سونداي-اق باسقا دا اقپارات ازاماتتىق باستامالاردى قولداۋ ورتالىعىنىڭ https://cisc.kz/ سايتىندا ورنالاسقان.
