قازىرگى كەزدە مەملەكەتىمىزدىڭ نەگىزگى مىندەتى – جان-جاقتى دامىعان ادامگەرشىلىگى مول, رۋحاني باي, ەلىن, جەرىن جانىنداي سۇيەتىن جاستاردى تاربيەلەۋ. وسى ورايدا قۇرىلعانىنا 15 جىل تولعالى وتىرعان باسقارۋ كوللەدجىندە اتقارىلىپ جاتقان يگى ىستەردىڭ الار ورنى ەرەكشە.
«ماڭگىلىك ەل» بولۋدىڭ نەگىزى – جاستاردى پاتريوتيزمگە تاربيەلەۋ» دەپ, ەلباسىمىز ايتقانداي, قازىرگى تاڭدا كوللەدج اكىمشىلىگى مەن وقىتۋشىلار ۇجىمى جاستاردى ۇلتىن سۇيۋگە, ۇلتتىق قۇندىلىقتاردى دارىپتەۋگە تاربيەلەي وتىرىپ, باسەكەگە قابىلەتتى ماماندار دايارلاۋ ىسىنە اتسالىسۋدا. وسى باعىتتا اتالمىش وقۋ ورنىنىڭ ارداگەر ۇستازدارى پ.حامزينا, گ.تۋرداليەۆا, ۆ.ەرماكوۆا, س.بەكپەرگەنوۆا, ت.سماعۇلوۆ, ق.جۇماجانوۆا, ر.قازبەكوۆا جەمىستى ەڭبەك ەتۋدە. ولار ءار ساباقتا پاتريوتتىق تاربيە ماسەلەسىن باسشىلىق الىپ كەلەدى. ماسەلەن, «قازاقستان ۇلى وتان سوعىسىندا» تاقىرىبىنداعى ساباقتا ىسكەرلىك ويىن تۇرىندە وتكىزىپ, كومانديرلەردى تاڭداۋ, ساياسي جەتەكشىلەر تاعايىنداۋ, ءتىپتى, ولاردىڭ شابۋىل الدىنداعى جالىندى سوزدەرىن قايتالاۋ ارقىلى بالالاردى جاۋاپكەرشىلىككە, وتانسۇيگىشتىككە باۋليمىز. ستۋدەنتتەر جاي تىڭداۋشى ەمەس, سول ۋاقيعاعا تىكەلەي قاتىسۋشى رەتىندە كورىنەدى. مۇنداي ساباقتار ولاردىڭ بەلسەندىلىگىن ارتتىرىپ, ەلىنە, جەرىنە دەگەن سۇيىسپەنشىلىگىن ارتتىرادى.
ەكىنشى ماڭىزدى باعىت – ستۋدەنتتەردى ءارتۇرلى ۇيىرمەلەرگە قاتىستىرۋ ارقىلى پاتريوتيزمگە تاربيەلەۋ. بۇل رەتتە قازاقستان تاريحى پانىنەن «ميراس», ستۋدەنتتەر اراسىنداعى «حالىقتار دوستىعى», «ۇلكەن كومەك», «جاس اقىندار» «Mixstar» بي ۇيىرمەلەرىنە قاتىسا وتىرىپ, ولار بارلىعىن ءوز قولدارىمەن جاساۋعا داعدىلانادى, ەڭبەكتەنەدى. اتقارىلعان ءار جۇمىس ولارعا جاڭا كۇش-جىگەر بەرەدى, ماقتانىش سەزىمىن تۋدىرادى. سونداي-اق, كوللەدجدە ۇيىمداستىرىلاتىن كەزدەسۋلەر مەن ءتۇرلى مادەني-تانىمدىق شارالار بارىسىندا پاتريوتتىق اندەر شىرقاۋ ارقىلى ستۋدەنتتەر وزدەرى ءبىلىم الىپ جۇرگەن وقۋ ورنىنىڭ نامىسىن قورعاۋدى ۇيرەنەدى.
كۋراتورلار جۇرگىزەتىن جالپى مادەني شارالار دا پاتريوتتىق تاربيە ىسىندە ۇلكەن ورىن الادى. ماسەلەن, پرەزيدەنت مۇراجايىنا, ۇلتتىق كىتاپحاناعا, تاريحي ەسكەرتكىشتەرگە ەكسكۋرسيالار جاساۋ, سەنبىلىكتەرگە قاتىسىپ, ەڭبەك ەتۋلەرى – وسى جۇمىستاردىڭ بارلىعى ستۋدەنتتەردىڭ ەلىنە, جەرىنە, وزدەرى وقىپ جاتقان وقۋ ورنىنا دەگەن سۇيىسپەنشىلىگىن وياتقانى ءسوزسىز.
العاشقى وقۋ جىلىندا كوللەدجدە بەس ماماندىق بويىنشا 116 وقۋشى عانا وقۋعا قابىلدانسا, كەيىن 12 ماماندىق بويىنشا ەكى مىڭنان استام ءبىلىم الۋشىلارى بار ىرگەلى وقۋ ورنى اتانىپ, ءبىلىم سالاسىندا قىزمەت كورسەتۋدە ماڭىزدى ورىنعا يە بولدى. قازىرگى كەزدە كوللەدج ستۋدەنتتەرى ون ءبىر ماماندىققا قاتىستى جان-جاقتى ءدارىس الىپ ءجۇر. ال, كوللەدجىمىزدى بىتىرگەن تۇلەكتەر بۇگىندە ادىلەت ورگاندارىندا, ەلشىلىكتەردە, حالىققا قىزمەت كورسەتۋ ورتالىقتارى مەن قارجى سالاسىندا قىزمەت ەتۋدە.
پانۋ حامزينا,
باسقارۋ كوللەدجى تاريح ءپانىنىڭ وقىتۋشىسى
