24-25 ءساۋىر ارالىعىندا استانا قالاسىنىڭ اۋماعىندا “ىزدەستىرۋ” كەڭ اۋقىمدى وپەراتسياسى جۇرگىزىلىپ جاتىر, دەپ حابارلايدى astana-akshamy.kz
ءبىرىنشى كۇننىڭ قورىتىندىسى بويىنشا ەلوردالىق پوليتسيا قىزمەتكەرلەرى 8 قىلمىسكەردى انىقتاپ, ۇستادى. ونىڭ ىشىندە 4 قىلمىسكەر تمد ەلدەرىندە ىزدەۋدە بولعان.
سونداي-اق حابار-وشارسىز كەتكەن ءبىر ادامنىڭ ورنالاسقان جەرى انىقتالدى, تانىلماعان ءبىر ءمايىتتىڭ جەكە باسى انىقتالدى.
تمد ەلدەرىندەگى ارىپتەستەرمەن وڭ ءوزارا ءىس-قيمىل رەتىندە رەسەي ءىىمب قىزمەتكەرلەرىنىڭ 2015 جىلدان باستاپ الاياقتىق جاساعانى ءۇشىن حالىقارالىق ىزدەۋدە جۇرگەن قىلمىسكەردى نوۆوسيبيرسك قالاسىنىڭ اۋماعىندا ۇستاۋىن كورسەتۋگە بولادى. ۇستالعان ادام ەلوردادا بولعان كەزدە الدىن الا كەلىسىم بويىنشا “كولەسا KZ” سايتىندا اقش پەن ەۋروپادان اۆتوكولىكتەردى تومەن باعامەن جەتكىزۋ تۋرالى حابارلاندىرۋدى ورنالاستىرۋ ارقىلى ازاماتتاردىڭ سەنىمىنە كىرىپ, كەلىسىمنىڭ تيىمدىلىگىنە سەندىرە وتىرىپ, 40 ملن تەڭگەدەن استام سومادا اقشانى يەمدەنگەن. قازىرگى ۋاقىتتا مينسك كونۆەنتسياسىنا سايكەس قىلمىستىق ءىستى قايتا تاپسىرۋ تۋرالى ماسەلە قاراستىرىلىپ جاتىر.
