ەلورداداعى اسكەري-تاريحي مۋزەيدە بەلگىلى عالىم, تاريح عىلىمدارىنىڭ دوكتورى, پروفەسسور جامبىل ارتىقباەۆتىڭ «كازاحسكوە وبششەستۆو – يستوكي ي يستوريا» اتتى ورىس تىلىندە جارىق كورگەن ءتورت تومدىعىنىڭ تانىستىرىلىمى ءوتتى.
تاريحشى بيىلعى جازدا بۇيىرتسا, الپىس جاستىڭ اسقارىنا شىعادى. ءوزىنىڭ ايتۋىنشا, بۇل ەڭبەك – تالاي جىلعى عىلىمي شىعارماشىلىعىنىڭ ناتيجەسى. ماسەلەن, ءتورت تومدىقتىڭ ءحىح عاسىرداعى قازاق قوعامىنىڭ تىنىس-تىرشىلىگىن باياندايتىن كىتابى – كانديداتتىق ديسسەرتاتسياسىنىڭ تولىقتىرىلعان نۇسقاسى. وسىنىڭ ىشىندەگى كوشپەندىلەر ءومىرىن, حV-ءحVىىى عاسىرلارداعى يمپەريادان ۇلتتىق مەملەكەتكە اۋىسۋ كەزەڭدەرىن سيپاتتايتىن, سونىڭ ىشىندە عالىمنىڭ پايىمىنشا, رىتسارلىق داۋىردەن سىر شەرتەتىن وزگە دە كىتاپتارى دا كوپ جىلعى ىزدەنىستەرىنەن تۋعان. بۇل ەڭبەكتەردىڭ اراسىنا دوكتورلىق ديسسەرتاتسياسى دا ەنگىزىلگەن.
«كازاحسكوە وبششەستۆو ۆ حV-ءحVىىى ۆەكاح: وت يمپەري ك ناتسيونالنومۋ گوسۋدارستۆۋ», «كازاحسكوە وبششەستۆو ۆ ءحVىىى ۆەكە: ەپوحا رىتسارستۆا», «كازاحسكوە وبششەستۆو ۆ ءحىح ۆەكە: تراديتسي ي يننوۆاتسي» جانە «كوچەۆنيكي ەۆرازي: ۆ كالەيدوسكوپە ۆەكوۆ ي تىسياچەلەتي» اتاۋلارىن العان ءتورت تومدىق قازاق قوعامىنىڭ ءارتۇرلى كەزەڭدەرىنەن سىر تارتادى. كىتاپتار عىلىمي ورتاعا دا, ستۋدەنتتەر مەن قاراپايىم وقىرماندارعا قىزىق دەرەكتەردى ۇسىنادى.
