«توبىل» تاقالىپ تۇر

فۋتبولدان قازاقستان چەمپيوناتىنىڭ پرەمەر-ليگاسىندا ون ەكىنشى تۋردىڭ ويىندارى ءوتتى.

تۋرنير كەستەسىن باستاپ كەلە جاتقان «استانا» بۇل جولى دا جەڭىسكە جەتە المادى. كوكشەتاۋدا جەرگىلىكتى «وقجەتپەس» كومانداسىمەن ويناعان ەلوردالىقتار قارسىلاستارىمەن ۇپاي ءبولىستى. ءبىرىنشى تايمدا رومان مۇرتازاەۆ ەسەپ اشىپ «استانالىقتاردى» العا شىعارىپ ەدى, بىراق ويىن اياقتالار تۇستا كوكشەتاۋ­لىق ميلان ستويانوۆيچ ەسەپتى تەڭەستىرىپ كەتتى. وسى ويىندا استانالىق سەرىكجان مۋجيكوۆ «قىزىل» قاعاز الىپ, الاڭنان قۋىلدى.
تۋرنير كەستەسىندە «استانا» ءبىرىنشى ورىندا تۇرعانىمەن, ەكىنشى ورىندا كەلە جاتقان قوستانايلىق «توبىل» كوشباسشىعا تاقاپ قالدى. ارالارىن ءۇش ۇپاي ءبولىپ تۇر. ال «استانا» كومانداسىنىڭ باسقا كوماندالارعا قاراعاندا ەكى ويىندى ارتىق وتكىزىپ قويعانىن ەسكەرسەك, جاقىن ارادا تۋرنير كەستەسىنىڭ باسىنا قوستانايلىقتار شىعۋى ابدەن مۇمكىن.
كەزەكتى تۋردىڭ باسقا ويىندارىندا مىناداي ناتيجەلەر تىركەلدى: «تاراز» – «توبىل» 0:1, «جەتىسۋ» – «قايسار» 1:0, «ەرتىس» – «اتىراۋ» 1:0, «شاحتەر» – «قايرات» 1:2, «اقتوبە» – «ور­دا­­­­­­با­سى» 0:3.