وسى جىلدىڭ 17-28 ءساۋىر ارالىعىندا پاۆلودار قالاسىندا توعىزقۇمالاقتان وتكەن جەكەلەي چەمپيوناتتا استانا قالاسىنىڭ سپورت شەبەرى سالتانات قۇسايىنوۆا راپيد بويىنشا 3 ورىن السا, ال شاپشاڭ ويناۋدان سپورت شەبەرلىگىنە ۇمىتكەر باقىتجان حادىلبەك كۇمىس مەدال جەڭىپ الدى.
ال 1-7 مامىر ارالىعىندا بىشكەك قالاسىندا وتكەن ءىى ورتا ازيا كۋبوگىنا ارنالعان حالىقارالىق جارىسقا قازاقستان مەن قىرعىزستان ەلدەرىنەن جالپى سانى 120 سپورتشى قاتىسقان بولاتىن. 7 كەزەڭنەن تۇراتىن جارىس ەرلەر جانە قىزدار اراسىندا شۆەيتسار جۇيەسىمەن ءوتتى. كوماندالىق ەسەپتە قازاقستان قۇراماسى ەرلەر جانە ايەلدەر اراسىندا دا جەڭىمپاز اتاندى.
قازاقستان قۇراماسىنىڭ ساپىندا استانالىق نۇربەك قۇرمانوۆ جانە گۇلجان ماعاۋوۆالار بار ەكەنىن ايتا كەتكەن ءجون. العاشقىسى – سپورت شەبەرى.
