كۇزدىڭ قارا سۋىعى كەلگەندە, تۇماۋ ينفەكتسيالارىنا شالدىققان ادامدار سانى كوبەيە تۇسەدى. سوندىقتان ودان قورعانۋدىڭ ەڭ ءتيىمدى جولى وعان قارسى ەكپە جاساتۋ بولىپ وتىر. ەكپە جاساتۋعا, اسىرەسە, قازان جانە قاراشا ايلارى قولايلى مەرزىم سانالادى.
قالالىق دەنساۋلىق ساقتاۋ باسقارماسىنىڭ مالىمەتى بويىنشا قازىرگى ۆاكتسينالار وتە ءتيىمدى ءارى قاۋىپسىزدىگى دە جوعارى سانالادى. ول التى ايدان اسقان بالالار مەن ەرەسەكتەر اراسىندا تۇماۋدىڭ الدىن الۋعا باعىتتالعان. يممۋنيتەتتى كۇشەيتۋگە 2 كۇننەن 7-15 كۇنگە دەيىن ۋاقىت قاجەت جانە ول 6 ايدان 12 ايعا دەيىن ساقتالادى. ۆاكتسينالاۋ تۇماۋعا جاتپايتىن باسقا ۆيرۋستىق ينفەكتسياعا قارسى قورعاۋدى قامتاماسىز ەتپەيدى, بىراق ۆاكتسيناتسيا اۋرۋدىڭ وتە جەڭىل تۇردە وتۋىنە كومەكتەسكەنىمەن, ونىڭ اسقىنۋىنا جول بەرمەيدى.
تۇماۋعا قارسى ۆاكتسينالاۋ ەكپەنىڭ ۇلتتىق كۇنتىزبەسىنە جاتپايدى, ونى اقىلى ەكپە جاساۋ پۋنكتتەرىندە سالعىزۋعا بولادى. دالىرەك ايتقاندا, № 1, 2, 3, 4, 5, 6, 7, 8, 9 جانە 10 قالالىق ەمحانالاردا, سونىمەن بىرگە, «ينتەرتيچ» ودا (كەنەسارى, 1), «مەدلاين» مو (كۇمىسبەكوۆ كوشەسى, 8), «مەديكەر» مو (قابانباي باتىر داڭعىلى, 17), «ورەn Clinik» مو (وتىرار كوشەسى, 8/2), «فارماكوم» قفك جشس (مايلين كوشەسى, 15), «ينتەرتيچ استانا مەديتسينالىق اسسيستانس» مو (ماسكەۋ كوشەسى, 38 ا), «مەديكال اسسيستانس گرۋپپ» جشس (سىعاناق كوشەسى, 21/1), «ارحيمەدەس قازاقستان» جشس (سارايشىق كوشەسى, 5).
ءسوز اراسىندا ايتىپ وتەيىك, بيىل استانا قالاسى اكىمدىگىنىڭ قولداۋىمەن حالىقتىڭ الەۋمەتتىك قورعالماعان توپتارىنا ەكپە جاساۋ ءۇشىن تۇماۋعا قارسى «گريپپول» ۆاكتسيناسىنىڭ 15055 مولشەرى ساتىپ الىندى. ول بالالار ءۇيىنىڭ تاربيەلەنۋشىلەرىنە, مۇگەدەكتەر ۇيىندەگى ادامدار مەن سوعىس ارداگەرلەرىنە, سونداي-اق «تاۋەكەل توپقا» جاتاتىن بالالارعا, ەكىنشى جانە ءۇشىنشى تريمەستردەگى جۇكتى ايەلدەرگە سالىنادى.
ازامات ەسەنجول
