استانا قالاسىنىڭ اۋدانارالىق مامانداندىرىلعان اكىمشىلىك سوتىندا «تۇنگى سوت» قاناتقاقتى جوباسى جۇمىس ىستەي باستاعان بەس ايدا 1 811 اكىمشىلىك ءىس قارالىپ, وعان 3 720-دان اسا ادام قاتىستى.
سوت قاراعان اكىمشىلىك ماتەريالداردىڭ كوپشىلىگى اكىمشىلىك قۇقىق بۇزۋشىلىق تۋرالى كودەكستىڭ 610-بابىنا, اتاپ ايتقاندا, كولiك قۇرالدارى جۇرگiزۋشiلەرىنiڭ جول ءجۇرىسى قاعيدالارىن ادامداردىڭ دەنساۋلىعىنا زيان كەلتiرۋگە, كولiك قۇرالدارىنىڭ نەمەسە وزگە دە مۇلiكتiڭ بۇلىنۋىنە الىپ كەلگەن سەبەپ-سالدارعا قاتىستى بولدى.
بيىل قازان ايىنىڭ ورتاسىندا «تۇنگى سوت» وتباسىلىق-تۇرمىستىق كيكىلجىڭگە بايلانىستى تاراپتاردىڭ كەلىسىمگە كەلۋ ماسەلەسىن قاراسا, ارادا كوپ ۋاقىت وتپەي, جوبا اياسىندا قازاقستان رەسپۋبليكاسىنىڭ كوشى-قون زاڭناماسىن بۇزعان وزگە ەلدىڭ ازاماتتارىنا قاتىستى ماتەريالدار قارالدى. بۇل ءوز كەزەگىندە شەتەل ازاماتىنىڭ سول كۇنى ەش كەدەرگىسىز ەلدەن كەتۋىنە مۇمكىندىك بەرەدى.
اتالعان جوبانىڭ جۇزەگە اسىرىلۋى جالپى تارتىپتە قارالاتىن اكىمشىلىك ىستەردىڭ ازايۋىنا, ءسويتىپ, تۇتاستاي العاندا, سوت جۇمىسىن جەڭىلدەتۋگە زور مۇمكىندىكتەر تۋعىزۋدا.
ستاتيستيكا كورسەتىپ وتىرعانداي, «تۇنگى سوت» جۇمىس ىستەي باستاعان بەس ايدىڭ ىشىندە سۋديالاردىڭ جۇمىس جۇكتەمەسى ءبىرشاما ازايعان. ماسەلەن, 2018 جىلدىڭ ماۋسىمىنا دەيىن ءبىر سۋديانىڭ ورتاشا ايلىق جۇكتەمەسى – 300, 330 ءىس بولسا, قازىرگى كەزدە وندىرىستەگى ىستەر سانى 250-257 بولىپ وتىر. تۇنگى سوت جۇمىس ىستەي باستاعان ۋاقىتتان بەرى ءبىر كۇنگە سۋديا 10-11 ءىس تاعايىنداسا, ال 2017 جىلدىڭ وسى كەزەڭىندە ءبىر سۋديا كۇنىنە 25-تەن 40 ىسكە دەيىن قارايتىن.
كەلىپ تۇسكەن اكىمشىلىك ماتەريالداردى سول كۇنى قاراۋ ادامداردىڭ سوت جۇيەسىنە دەگەن سەنىمدەرىن نىعايتا تۇسۋدە. وسىنىڭ ءوزى قولعا الىنىپ وتىرعان ىلكى جوبانىڭ تيىمدىلىگى مەن ومىرشەڭدىگىن دالەلدەي تۇسەدى.
جوعارىدا اتاپ وتكەندەي, تۇنگى سوتتار ءىستى باسقا كۇنگە قالدىرماي تەز شەشىپ, ۋاقىتتى ۇنەمدەۋمەن قاتار, زاڭدىلىقتى قالپىنا كەلتىرەدى. ياعني, ءىستىڭ جىلدام قارالۋىن قامتاماسىز ەتىپ, سوت ادىلدىگىن ورناتۋعا ىقپال ەتەدى. ويتكەنى, وقيعانىڭ ءىزى سۋىماي قارالۋى ازاماتتارعا دا ىڭعايلى.
سونىمەن قاتار, اتالعان ىستەر بويىنشا اكىمشىلىك ماتەريالداردى قاراۋ كەزىندە ساقتاندىرۋ كومپانيالارى «تۇنگى سوتتىڭ» قاۋلىسى نەگىزىندە ساقتاندىرۋ جاعدايلارىنا بايلانىستى سوت اكتىسىنىڭ زاڭدى كۇشىنە ەنۋىن كۇتپەي-اق, باعالاۋ جۇرگىزە الادى.
وسىعان وراي سوتقا قاتىسۋشىلار سوت قاۋلىسى زاڭدى كۇشىنە ەنگەننەن كەيىن ءۇش نەمەسە بەس تاۋلىكتىڭ ىشىندە وزدەرىنىڭ ساقتاندىرۋ تولەمدەرىن الا الادى. بۇل ازاماتتارعا كەلتىرىلگەن زياننىڭ ورىنىن تەز تولتىرۋ ءۇشىن جاسالىپ وتىرعان ناقتى كومەك بولىپ تابىلادى.
كەيىنگى ۋاقىتتا استانا قالاسىنىڭ مامانداندىرىلعان اۋدانارالىق اكىمشىلىك سوتى «تۇنگى سوت» جوباسى بويىنشا ءاربىر اكىمشىلىك ماتەريالداردى قارار كەزدە قاتىسۋشى تاراپتاردىڭ پىكىرلەرىن سۇراۋدى تاجىريبەگە ەنگىزىپ كەلەدى.
ادامداردىڭ بارلىعى دەرلىك ءوز پىكىرلەرىندە كەشكى مەزگىل بولعاسىن, ەشقانداي كەزەك كۇتپەيتىنىن, قاجەتتى قۇجاتتاردى تولتىرىپ, ءماجىلىس زالىنا بىردەن وتەتىنىن ايتادى. سوندىقتان كوپشىلىكتىڭ وسىنداي ۇسىنىس-پىكىرلەرىن ەسكەرە وتىرىپ, جوبانى حالىققا قىزمەت ەتۋ ءۇشىن ودان ءارى جەتىلدىرە ءتۇسۋ مۇمكىندىكتەرى قاراستىرىلۋدا.
بوتاگوز بايانوۆا,
استانا قالالىق سوتى اقپاراتتىق
قامتاماسىز ەتۋ ءبولىمىنىڭ باسشىسى
