جاڭالىقتار
تۇراقتى كوميسسيا باس قوستى
كەشە استانا قالالىق ءماسليحاتىنىڭ ءماجىلىس زالىندا قۇرىلىس, ەكولوگيا, كولىك, ساۋدا جانە تۇرعىن ءۇي كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيانىڭ وتىرىسى بولىپ ءوتتى.
وتىرىستا ەلوردانىڭ الداعى جىلىتۋ ماۋسىمىنا دايىندىعى پىسىقتالىپ, قالالىق ءماسليحاتتىڭ 2004 جىلعى 30 ناۋرىزداعى «استانا قالاسىنداعى كوشەتتەردى كۇتىپ ۇستاۋ جانە قورعاۋ قاعيدالارى تۋرالى» شەشىمىنە وزگەرتۋلەر مەن تولىقتىرۋلار ەنگىزۋ تۋرالى ماسەلەلەر قارالدى.
يلياس الداجاروۆ پەن بولات احمەتوۆ بايانداما جاساپ, سۇراقتارعا جاۋاپ بەردى. سونداي-اق, كەيبىر ماسەلەلەر ءجونىندە جاۋاپتى تۇلعالارعا ءماسليحات حاتشىسى تاراپىنان سىن-ەسكەرتپەلەر ايتىلىپ وتىردى. بارلىعى وتكەننەن ساباق الۋعا ۋادە بەرىسىپ تارقاستى.
نۇريسلام قۇسپانعالي