تۇرعىن ءۇي كەزەگىنە تۇرۋدىڭ ءتارتىبى قانداي؟

قازىرگى ۋاقىتتا كۇيىپ تۇرعان ماسەلەنىڭ ءبىرى – باسپانا. وسى رەتتە اتالمىش ماسەلەنى شەشۋدىڭ ءتۇرلى جولدارى بار. سونىڭ ءبىرى – مەملەكەتتىك باعدارلاما بويىنشا نەمەسە اكىمدىكتەن ازاماتتاردىڭ جەكەلەگەن توپتارى ءۇشىن باسپانا الۋ. ەندەشە, تۇرعىن ءۇي الۋعا كەزەككە تۇرۋدىڭ قىسقاشا ءتارتىبى تۋرالى تانىستىرىپ وتكەندى ءجون كوردىك.

استانا قالاسى تۇرعىن ءۇي باسقارماسىنىڭ رەسمي مالىمەتىنە سۇيەنسەك, قالا قورىنان ءۇي الۋعا كەزەكتە تۇرعان ازاماتتاردىڭ سانى 43 مىڭعا جۋىقتاعان. باسقارما ءوزىنىڭ ەرە­جەسىنە سايكەس كوممۋنالدىق تۇرعىن ءۇي قورىنان بەلگىلەنگەن كەزەك بويىنشا ازاماتتارعا پاتەر بەرۋدى قامتاماسىز ەتەدى. سونىمەن بىرگە, وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا «قازاقستان تۇر­عىن ءۇي قۇرىلىسى جيناق بانكى», «قازاقستان يپوتەكالىق كومپانياسى» يپوتەكالىق ۇيىمى», «سامۇرىق-قازىنا» جىلجىمايتىن مۇلىك قورى» جەلىسى بويىنشا تۇرعىن ءۇي باعىتتارى جونىنەن كوممۋنالدىق تۇرعىن ءۇي قورىنان پاتەرگە مۇقتاج ازاماتتاردان قۇجاتتار قابىلدايدى.
ەلىمىزدىڭ تۇرعىن ءۇي زاڭناماسىنا ءساي­كەس كوممۋنالدىق تۇرعىن ءۇي قورىنا كە­زەككە تۇرۋعا قۇقىلى ازاماتتاردىڭ ارناۋلى ساناتى بەلگىلەنگەن. ولارعا ۇوس اردا­گەرلەرى مەن قاتىسۋشىلارى, وسى توپقا تەڭەستىرىلگەندەر, ولار – تىل ارداگەرلەرى, اۋعان سوعىسىنىڭ ارداگەرلەرى, 1-2-توپ مۇگەدەكتەرى, مۇگەدەك بالالاردى تاربيەلەپ وتىرعان وتباسىلار, ۇكىمەت قاۋلىسىندا كورسەتىلگەن اۋرۋ تۇرلەرىمەن اۋىراتىن ازاماتتار, زەينەتكەرلەر, جەتىم بالالار مەن اتا-انا قامقورىنسىز قالعان بالالار, 29 جاسقا تولماعان جەتىم بالالار, ورالماندار, ەكولوگيالىق اپاتتاردا, توتەنشە جاعدايلار كەزىندە ۇيىنەن ايىرىلعاندار, كوپبالالى اتا-انالار, اسكەردە نەمەسە مەملەكەتتىك تاپسىرمالار كەزىندە قايتىس بولعانداردىڭ وتباسى, تولىق ەمەس وتبا­سىلار جاتادى.
استانا قالاسىندا كەزەككە تۇرۋ ءۇشىن الدىمەن كەمىندە ءۇش جىل تۇراقتى تۇرۋى تالاپ ەتىلەدى. ياعني, ءۇش جىلدىق تىركەۋ تۋرالى تالاپ ءوتىنىش بەرۋشىگە عانا قولدانىلادى. سونىمەن قاتار, قال­عان وتباسى مۇشەلەرىنىڭ ەلوردادا تۇراقتى تىركەۋى بار بولۋى قاجەت. زاڭعا سايكەس, تۇرعىن ۇيگە مۇقتاج ازامات­تار ەسە­بىنە قويۋ مەكەنجاي بويىنشا «ازا­­­­مات­تارعا ارنالعان ۇكىمەت» مەملە­­كەتتىك كورپوراتسياسى» ارقىلى جۇزەگە اسادى.
تۇرعىن ءۇي بارلىق قاجەتتى قۇجاتتارمەن بiرگە ءوتiنiش بەرiلگەن كەزدەن باستاپ تiزiمدە بەلگiلەنگەن كەزەك رەتiمەن بەرiلەدi.

ايگۇل يمانوۆا,
«1414» جەلىسىنىڭ وپەراتورى:
تۇرعىن ءۇي كەزەگىنە تۇرۋ ءۇشىن حالىققا قىزمەت كورسەتۋ ورتالىعىنا مىناداي قۇجاتتاردى ۇسىنۋ كەرەك:
– ءوتىنىش;
– وتباسى مۇشەلەرىنىڭ جەكە كۋالىگىنىڭ, بالالاردىڭ تۋى تۋرالى كۋالىگىنىڭ كوشىرمەلەرى;
– ازاماتتىق جاعدايى تۋرالى مالىمەت;
– مەكەنجاي انىقتاماسى (بارلىق وتباسى مۇشەلەرىنە);
– قازاقستان رەسپۋبليكاسىنىڭ اۋماعىندا جىلجىمايتىن مۇلىككە قۇقىعى بارلىعى (جوقتىعى) تۋرالى ءوتىنىش بەرۋشىدە جانە ونىمەن ۇدايى تۇراتىن وتباسى مۇشەلەرىنە 6-ءپىشىندى انىقتاما (يەلىكتەن شىعارىلعان قۇقىقتارىن كورسەتۋمەن);
– حالىقتىڭ الەۋمەتتiك جاعىنان وسال توپتارىنا جاتاتىن ازاماتتار ەڭ تومەنگi كۇنكورiس دەڭگەيiنiڭ 3,1 ەسەلەنگەن مولشەرiن راستايتىن جيىنتىق تابىسىن ساناۋ بويىنشا الەۋمەتتىك قورعاۋ ورگانىنان انىقتاما ۇسىنادى. (يمانباە­ۆا كوشەسى, 16 ءۇي, №10 كابينەت. استانا قالاسى جۇمىسپەن قامتۋ جانە الەۋمەتتىك باعدارلامالار باسقارماسى);
– (مەملەكەتتىك قىزمەتكەرلەر, بيۋد­جەتتىك ۇيىم قىزمەتكەرلەرى, اسكەري قىز­مەتكەرلەرگە) جۇمىس ورنىنان انىقتاما جانە وتباسى قۇرامى تۋرالى انىقتاما.

گۇلميرا شارحانقىزى