تۇرعىن ءۇي تۇراقتى باقىلاۋدا
قالا اكىمىنىڭ ورىنباسارى سەرگەي حوروشۋننىڭ توراعالىعىمەن تۇرعىن ءۇي قۇرىلىسىنا ۇلەستىك قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى.
وتىرىس بارىسىندا «يسك اسي» جشس باسشىسى س. ۆ. كوتلياروۆتىڭ «شىعىس», «جاعالاۋ-3» جانە «جاعالاۋ-4» تۇرعىن ءۇي كەشەندەرىنىڭ قۇرىلىسىن اياقتاۋ بويىنشا جۇرگىزىلىپ جاتقان جۇمىستارى تۋرالى ءوتىنىشى نازارعا الىندى.
«جاعالاۋ-3» تك 30-سەكتسيا №3 بلوگىندا ارلەۋ جۇمىستارى اياقتالدى. ەندى 15 قىركۇيەككە دەيىن بولمەارالىق ەسىكتەر مونتاجدالىپ, ەسەپتەگىش قۇرالدارى, سانفايانس پەن جىلۋ تورابى ورناتىلادى. نىسان 2016 جىلدىڭ 25 قىركۇيەگىندە پايدالانۋعا بەرىلەدى.
ال سەكتسيانىڭ №5 بلوگىندا قاسبەتتى جانە توبەنى جوندەۋ جۇمىستارى ءبىتىپ, ۆيتراجدارعا شىنى قويىلىپ جاتىر. تازا ارلەۋ جۇمىستارىن 15 قازانعا دەيىن اياقتاۋ كوزدەلگەن. نىسان 2016 جىلدىڭ 30 قازانىندا تاپسىرىلادى.
«سترويكلاسس» جشس وكىلى 1 قاراشاعا دەيىن «التىن بوساعا» تۇرعىن ءۇي كەشەنىندەگى قۇرىلىستى اياقتاۋ جانە جەر ۋچاسكەلەرىنىڭ يەلەرىنە وتەماقى تولەۋ ماسەلەسىن شەشۋ بويىنشا قاۋلى الۋعا قۇجاتتار ازىرلەنىپ جاتقانىن مالىمدەدى.
كوميسسيا مۇشەلەرى بۇگىندە «سۆەتلىي» تك سالىناتىن جەر ۋچاسكەلەرىن راسىمدەۋ جونىندەگى ماسەلەلەردىڭ شەشىلمەگەنىن اتاپ ءوتتى.
«ارىستان» تك («نم استانا قۇرىلىس» جشس) قاتىستى جۇمىس ءوندىرىسىنىڭ كەستەسى مەن قارجىلاندىرۋ كوزدەرى كورسەتىلگەن ءىس-شارالار جوسپارىن ۇسىنۋ تاپسىرىلدى.
«زەرە-1» , «زەرە-2» تك قۇرىلىسى دا تالقىلاندى. «كازگازاستانا» جشس ديرەكتورى ينۆەستورلارعا قۇرىلىستى اياقتاۋعا ارنالعان اقشا قاراجاتىنىڭ تۇسكەنىن راستايتىن قۇجاتتاردى كورسەتپەي, ۆاك ۇسىنىستارىن ورىنداماعان.
سالۋشىسى «نوماد ستروي ەك» جشس بولىپ تابىلاتىن «ەسىل-2» تك بويىنشا «ەسىل-2» تك تقك جەر ۋچاسكەلەرىن قايتا راسىمدەۋ بويىنشا ۆاك ۇسىنىستارى ورىندالعان جوق. سونىمەن قاتار, 188-كوشەدەگى جانە «ەسىل-1» تۇرعىن ءۇي كەشەندەرى پايدالانۋعا بەرىلمەگەن. قۇرىلىس جۇرگىزۋگە دايىنداۋ ءۇشىن ساۋلەت جانە قالا قۇرىلىسى باسقارماسىنا قۇجاتتاما تولىق كولەمدە تاپسىرىلماعان.
كوميسسيا تقك وكىلدەرىنە «ەسىل-2» تك جانە «فيۋچي حوم» تك ساتىلعان جانە بوس اۋداندار تۋرالى اقپاراتتى ۇسىنۋعا كەڭەس بەردى. «ەسىل-1» تك قاتىستى 5 قىركۇيەككە دەيىن «استانا سۋ ارناسى» اق مەن «استانا-تەپلوترانزيت» اق ەسكەرتۋلەرىن جويۋ تاپسىرىلدى.
مۇنىمەن قوسا, كوميسسيا مۇشەلەرى «جاستار-4» تك سالۋشىسى «باقىت-11» جشس ديرەكتورىنىڭ اعىمداعى جىلدىڭ 31 تامىزىندا 100 ملن تەڭگە مولشەرىندە نەسيە زايمىنىڭ ءبىرىنشى ترانشىنىڭ كەلىپ تۇسكەنى تۋرالى ءوتىنىشىن قابىلدادى, مۇنى راستايتىن قۇجاتتاردى استانا قالاسىنىڭ ءىىد ۇسىنۋ قاجەت.