تۇركىستاننان جەتكەن تاريح
استاناداعى ۇلتتىق مۋزەيدە تاۋەلسىزدىكتىڭ 25 جىلدىعىنا ارنالعان قوجا اxمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى ۇيىمداستىرعان «ۇلى دالا تاريحى» اتتى سۋرەت كورمەسى اشىلدى.
يگى شارانىڭ ماقساتى – ۇلى دالانىڭ تاريحي وقيعالارى مەن ەل تاعدىرىنداعى ورنى بار تۇلعالاردى كوركەمدەپ, جاستاردى وتانسۇيگىشتىككە باۋلىپ, ولاردىڭ جاڭا تاريحي كوزقاراستارىن قالىپتاستىرۋدى كوزدەگەن.
كورمەگە ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وقىتۋشىلارى مەن ماگيسترانتتارى جاساعان 40 تۋىندى قويىلدى. ول «ۇلى دالانىڭ ۇلى تۇلعالارى» جانە «ۇلى دالانىڭ ۇلى وقيعالارى مەن قۇبىلىستارى» دەگەن ەكى بولىمنەن قۇرالعان. كارتينالاردىڭ تاقىرىپتارى دا مۇقيات تاڭدالعان.
اسىرەسە, «بوتاي ەلدى مەكەنى», «قازاق دالاسىنداعى اڭ اۋلاۋ ونەرىنەن كورىنىس», «ساق باسشىسى – التىن ادامدى جەرلەۋ ءراسىمى», «وتىرار مونشاسى», «تايقازان», «وتىرار كىتاپحاناسى», «قوجا احمەت ياساۋي كەسەنەسىنىڭ قۇرىلىسى» سەكىلدى تۋىندىلاردان ءبىر زاماندارداعى اسىل بابالارىمىزدىڭ قولدارىنان شىققان مادەني ەسكەرتكىشتەردەن وركەنيەتتى ەلدىڭ ۇلگىسىن كورگەندەي بولدىق. سونداي-اق, ەلى مەن جەرى ءۇشىن التىن باسىن بايگەگە تىگىپ, تۋعان ەلدىڭ ىرگەسىن بەكەمدەگەن تۇعىرى بيىك تۇلعالاردىڭ پورترەتتەرى دە كورگەن جاندى قىزىقتىرماي قويمايدى. قىسقاسى, اتالعان شارادان ۇلى دالانىڭ تاريحىن تەرەڭ تاني الاسىز.
كورمە 25 قىركۇيەككە دەيىن جالعاسادى.
ازامات ەسەنجول