قالامىزدا 16 مىڭ ۇلەسكەردىڭ 13 مىڭىنىڭ ماسەلەسى شەشىلدى. 2021 جىلى نۇر-سۇلتاندا تاعى 57 تۇرعىن ءۇي قۇرىلىسى اياقتالادى, وسىلايشا 7 مىڭنان استام 500 ۇلەسكەر وتباسىنىڭ ماسەلەسى شەشىلەدى. 2022-2023 جىلدارى قالعان كوپقاباتتى ۇيلەردى اياقتاۋ جوسپارلانۋدا.
«ەل باسشىلىعىنىڭ تاپسىرماسى بويىنشا قۇرىلىسى ۇزاققا سوزىلعان نىسانداردىڭ قۇرىلىسىن اياقتاۋ بويىنشا اۋقىمدى, جۇيەلى جۇمىستار جۇرگىزىلۋدە. 2019 جىلدىڭ جازىندا 52 نىسان ۇزاق قۇرىلىس رەتىندە ەسەپتەلگەن ەدى, بۇل دەگەنىمىز – 150 كوپپاتەرلى تۇرعىن ءۇي كەشەنى.
2019-2020 جىلدارى ءبىز 33 كوپپاتەرلى تۇرعىن ءۇي كەشەنىن سالىپ, پايدالانۋعا بەردىك. 5 مىڭنان استام ۇلەسكەر وتباسى ۇزاق جىلدار بويى كۇتكەن پاتەرىن ساتىپ الدى. بيىل تاعى 57 كوپپاتەرلى تۇرعىن ءۇي كەشەنىن اياقتايمىز.
2022 جىلى تاعى 40 كوپپاتەرلى تۇرعىن ءۇيدى, 2023 جىلى 20 تۇرعىن ءۇي سالۋدى جوسپارلاپ وتىرمىز. وسىلايشا 2023 جىلى ەلورداداعى ۇلەسكەرلەر ماسەلەسىن تولىق شەشۋدى جوسپارلاپ وتىرمىز» دەدى التاي كولگىنوۆ.
ەلوردا اكىمى ەلورداداعى كەيبىر ۇيلەردىڭ قۇرىلىسى 15-16 جىلعا سوزىلعانىن ايتتى. ۇلەستىك قۇرىلىستىڭ بارلىق نىساندارىندا ءارتۇرلى كورىنىس بولدى: ءبىر جەردە تەك شۇڭقىر, ءبىر جەردە قاڭقاسى (كاركاس) كوتەرىلگەن, ەندى ءبىر جەردە قۇرىلىسشى ءبىر پاتەردى 4-5 ادامعا ساتقان. دەگەنمەن ءاربىر ۇزاق قۇرىلىس بويىنشا قادامدىق ءىس-شارالار جوسپارى بار. سونىمەن قاتار ەلوردادا تۇرعىن ءۇي كەشەنىن جوندەۋ, اپاتتى جانە ەسكى ۇيلەردى بۇزۋ جۇمىستارى جۇرگىزىلۋدە.
