نۇر-سۇلتان قالاسى بايقوڭىر اۋدانى اكىمىنىڭ اپپاراتى «حالىق قاتىساتىن بيۋدجەت» باعدارلاماسى بويىنشا وتىنىمدەر قابىلداۋدى باستادى. بيىل وسى جوبا اياسىندا تۇرعىندار ۇسىناتىن اۋدان ۋچاسكەلەرىن اباتتاندىرۋ مەن جارىقتاندىرۋعا قاراجات بولىنەتىن بولادى.
حالىق قاتىساتىن بيۋدجەت – بۇل اۋماقتاردى ءتيىمدى باسقارۋ ءۇشىن قالا تۇرعىندارى مەن جەرگىلىكتى اتقارۋشى ورگانداردىڭ ىنتىماقتاستىعى. جوبانىڭ وزەكتىلىگى – كەز كەلگەن ادام قالالىق ورتانى دامىتۋ بويىنشا ءوز يدەياسىن ۇسىنا الادى. ەگەر باستامانى باسقا تۇرعىندار داۋىس بەرۋ بارىسىندا قولداسا, وندا ول قالالىق بيۋدجەت قاراجاتى ەسەبىنەن جۇزەگە اسىرىلادى. بايقوڭىر اۋدانىنىڭ كامەلەتكە تولعان بارلىق تۇرعىندارى ءوز ۇسىنىستارىن جولداي الادى.
اۋداندى جاقسارتۋ بويىنشا ۇسىنىستاردى اكىمدىكتىڭ
www.baikonyr-astana.kz رەسمي سايتىنداعى «حالىق قاتىساتىن بيۋدجەت» بولىمىنە جولداۋعا بولادى. ۇسىنىستى جىبەرۋ ءۇشىن ءوتىنىمدى تولتىرۋ (جوبانىڭ اتاۋىن, ونىڭ سيپاتتاماسىن كورسەتۋ), ەسكيز بەن سمەتانى (باعدارلى), اعىمداعى جاي-كۇيدىڭ فوتوسۋرەتتەرىن بەكىتۋ قاجەت, سونداي-اق قالاساڭىز, ءوز يدەياڭىزدىڭ ۇسىنىمىن قوسا بەرۋگە بولادى.
ساراپتامالىق كەڭەس شەشىمىنىڭ ناتيجەلەرى اشىق كوزدەردە جاريالاناتىن بولادى. جوبالىق ۇسىنىستاردىڭ ىسكە اسىرىلۋ بارىسى تۋرالى اقپارات, سونداي-اق ولاردى ىسكە اسىرۋ قورىتىندىلارى نۇر-سۇلتان قالاسى بايقوڭىر اۋدانى اكىمى اپپاراتىنىڭ ينتەرنەت-رەسۋرستارىندا جاريالانادى. وتىنىمدەردى قابىلداۋ 2022 جىلعى 10 ناۋرىزعا دەيىن جالعاسادى.
ايتا كەتەيىك, بيىل «حالىق قاتىساتىن بيۋدجەت» جوباسى بويىنشا قۇنى 2-دەن 30 ملن تەڭگەگە دەيىنگى 9 جوبا ىسكە اسىرىلدى.
