نيسسايم نۇربوسىن – ءبىلىم الۋدا ەرەكشە قاجەتتىلىگى بار وقۋشىلاردىڭ ءبىرى. قازىر №8 مەكتەپ-ليتسەيىنىڭ 5-سىنىپ وقۋشىسى. نيسسايم ءبىزدى كورگەن ساتتە اتىمىزدى سۇرادى. مىنەزىنىڭ وتە اشىق, تەز ءتىل تابىسقىش ەكەنىن بايقادىق. سىنىپ جەتەكشىسى ءسابيرا ەرجانقىزىنىڭ ايتۋىنشا, نيسسايم – باۋىرمال, جۇرەگى جۇمساق وقۋشى.
– سىنىپتاعى كەيبىر ساباق ۇلگەرىمى ناشار وقۋشىلارعا مۇعالىمدەر ۇرىسسا, نيسسايم سول بالالارعا ءتاتتى اكەلىپ, كوڭىلىن كوتەرۋگە تىرىسادى. اينالاسىنا مەيىرىمدىلىك تانىتقاندى جاقسى كورەدى. باستاپقىدا سىنىپتاعى كەيبىر وقۋشىلاردا ءبولىنۋ بولدى. بىراق ءتۇسىندىرۋ جۇمىستارى جۇرگىزىلگەننەن سوڭ بىردەن ءتىل تابىسىپ كەتتى. ءبىر جاعىنان نيسسايمنىڭ ءوزى وتە اشىق, اقكوڭىل. ونىڭ ەرەكشە قابىلەتى – سىنىپتاستارىنىڭ جانە مۇعالىمدەرىنىڭ اتى مەن اتا-اناسىنىڭ اتىن جاتقا بىلەدى. تانىسقان ادامعا دا وسى سۇراقتى قويىپ, ۇمىتپاي ەستە ساقتاپ الادى, – دەيدى سىنىپ جەتەكشىسى.
نيسسايم ساباقتان تىس ۋاقىتتا ينكليۋزيۆتى قولداۋ كابينەتىندە پەداگوگ-اسسيستەنتىمەن بىرگە ساباقتاردى قايتالايدى, ارنايى ماماندارمەن جۇمىس ىستەيدى.
[smartslider3 slider=2015]
– نيسسايمنىڭ قاسىندا ساعات 14:00-دەن 19:00-گە دەيىن ارنايى بىرگە جۇرەتىن پەداگوگ-اسسيستەنتى بار. اسحاناعا جانە ارنايى ماماندارعا, قوسىمشا ۇيىرمەلەرگە اپارادى. كابينەتتە قازاق ءتىلى, ماتەماتيكا ساباقتارى بويىنشا قايتالاۋ ساباقتارىن وتكىزەدى, – دەيدى مەكتەپتىڭ ينكليۋزيا بويىنشا ادىسكەرى پەريزات حاسەنوۆا.
نيسسايم 5-10-سىنىپتار اراسىنداعى «بۇرىمدى قىز» بايقاۋىنا قاتىسىپ, ارنايى نوميناتسيانى جەڭىپ العان. بۇدان بولەك, بالەت ءبيشىسىن جاپىراقتان قۇراستىرىپ, «كۇزگى قولونەر» بايقاۋىندا ءىى دارەجەلى ديپلوممەن جانە ارنايى توسبەلگىمەن ماراپاتتالعان. قالالىق ەرەكشە ءبىلىم الۋدى قاجەت ەتەتىن بالالاردىڭ اراسىندا «تاۋەلسىزدىك جەتىستىكتەرى» اتتى بايقاۋعا قاتىسىپ, اناسىمەن بىرگە ءتاتتى ءبالىش پىسىرگەن.
نيسسايم 5-10-سىنىپتار اراسىنداعى «بۇرىمدى قىز» بايقاۋىنا قاتىسىپ, ارنايى نوميناتسيانى جەڭىپ العان. بۇدان بولەك, بالەت ءبيشىسىن جاپىراقتان قۇراستىرىپ, «كۇزگى قولونەر» بايقاۋىندا ءىى دارەجەلى ديپلوممەن جانە ارنايى توسبەلگىمەن ماراپاتتالعان
– نيسسايمنىڭ اناسى وتە بەلسەندى. سىنىپتاعى بارلىق شاراعا قاتىسادى. بىردە «جاستار تەاترىندا» قويىلعان «مەيىرىمدى جۇرەك» قويىلىمىنا باردىق. سول كەزدە تەك قانا نيسسايمنىڭ اتا-اناسى سىنىپپەن بىرگە تەاترعا بىرگە بارىپ, قاتىستى. قويىلىم بىتكەن سوڭ, سىنىپتاعى وقۋشىلار «مەيىرىم – ءبىزدىڭ جۇرەگىمىزدە» دەپ حورمەن ايتتى. سونداي شارالارعا ءجيى قاتىسىپ تۇرادى. جاقىن ارادا عىلىمي جوبا قورعايمىز. قازىر سوعان دايىندالۋدامىز, – دەيدى سىنىپ جەتەكشىسى.
نيسسايم بىلتىر روبوتوتەحنيكاعا قاتىستى. بىراق ۇيىرمە جەتەكشىسى اۋىسىپ كەتتى دە, بيىل جالعاستىرمادى.
اناسى الما دوسانوۆانىڭ ايتۋىنشا, نيسسايم ۇيدە قۋىرشاق ويناعاندى جاقسى كورەدى.
– ماعان ءۇي جۇمىسىنا, اسىرەسە ىدىس جۋعاندا كومەكتەسەدى. وتە مەيىرىمدى, قولىنداعى بارىمەن بولىسەدى. ءتۇرلى ءتۇستى قارىنداشپەن سۋرەت سالادى. دايىن نارسەلەردەن كومپوزيتسيا قۇراستىرعاندى جاقسى كورەدى. قولونەرمەن دە اينالىسادى. نيسسايمنىڭ ءوز رەجيمى, ياعني دالادا سەرۋەندەيتىن ۋاقىتى بار. دالادا سول ۋاقىتتا قانداي اۋا رايى بولسا دا, ءدال ۋاقىتىندا شىعادى. جاڭبىر جاۋسا دا, اياز بولسا دا, سوعان ساي جىلى كيىنىپ, ءبارىبىر دالاعا شىعىپ سەرۋەندەپ كەلەدى. ساياحاتتى جاقسى كورەدى. وسى ۋاقىتقا دەيىن انگليا, فرانتسيا, ەگيپەتكە بارىپ كەلدى. ەندى امەريكاعا بارعىسى كەلىپ ءجۇر, – دەدى اناسى.
ايزادا جايىققىزى
