بۋداپەشت قالاسىندا وتكەن الەم كۋبوگىندا ەلوردالىق اۋلا كلۋبىنىڭ تاربيەلەنۋشىلەرى جەڭىمپاز اتاندى.
ۆەنگريا استاناسى بۋداپەشت قالاسىندا 5-8 قازان ارالىعىندا كيوكۋشينكاي كاراتە بويىنشا «World Dream Cup» اشىق الەم كۋبوگى ءوتتى. جارىس بالالار, جاسوسپىرىمدەر, ەرەسەكتەر مەن ارداگەرلەر اراسىندا وتكىزىلدى. وعان گەرمانيا, رەسەي, ۆەنگريا, ۋكراينا, بەلارۋس, بەلگيا, شۆەتسيا, يسپانيا وكىلدەرىمەن قاتار ەلىمىزدىڭ اتىنان 12 سپورتشى قاتىستى.
ناتيجەسىندە جاسوسپىرىمدەر اراسىندا ەلوردالىق «Cross Fit Kids» اۋلا كلۋبىنىڭ تاربيەلەنۋشىلەرى ۇزدىك ناتيجە كورسەتتى. اتاپ ايتقاندا, مانسۇر يمانۆەرديەۆ مەن شىڭعىسحان يبراەۆ I ورىندى جەڭىپ السا, ارلان يبراەۆ II ورىن يەلەندى.
بيىلدان باستاپ قالالىق جاستار ساياساتى ماسەلەلەرى باسقارماسىنىڭ قولداۋىمەن «CrossFit Kids» اۋلا كلۋبى كاراتە-كيوكۋشينكاي, كروسسفيت, گرەپپلينگ سەكتسيالارى بويىنشا تەگىن جۇمىس ىستەپ كەلەدى. وسى قىسقا مەرزىم ارالىعىندا اۋلا تاربيەلەنۋشىلەرى كوپتەگەن جارىستاردا جاقسى ناتيجەگە قول جەتكىزدى.
ايتا كەتەيىك, كەنەسارى كوشەسى, 42 مەكەنجايىندا ورنالاسقان اۋلا كلۋبىنىڭ ەسىگى اركىمگە اشىق.
