جۇمىس ىزدەگەندەرگە جاردەمدەستى

استانا قالاسى اكىمدىگىنىڭ جۇمىسپەن قامتۋ ورتالىعىندا بوس ورىندار جارمەڭكەسى ءوتتى.

جارمەڭكەگە كەلۋشىلەردىڭ دەنى جاستار بولدى. سول كۇنى ولار ءبىر ۋاقىتتا بىرنەشە جۇمىس بەرۋشىمەن اڭگىمەلەسۋگە مۇمكىندىك الدى. اسىرەسە, وقۋ ورىندارىنىڭ تۇلەكتەرىنە «جۇمىسپەن قامتۋ جول كارتاسى – 2020» باعدارلاماسى اياسىندا جاس­تار پراكتيكاسىنا قاتىسا الاتىنى ءتۇسىندىرىلىپ, حالىقتىڭ نىسانالى توپتارىنا جاتاتىن جاندارعا الەۋمەتتىك جۇمىس ورىندارى ۇسىنىلدى.

قالالىق جۇمىسپەن قامتۋ ورتالىعىنىڭ ديرەكتورى ولجاس وماردىڭ ايتۋىنشا, بيىل ءارتۇرلى جەكە مەنشىك نىسانىنداعى جۇمىس بەرۋشىلەرمەن, اتاپ ايتساق, «حالىق بانكى» اق, «جوعارعى سوتتاردىڭ اپپاراتى» مم, يندۋستريا جانە جاڭا تەحنولوگيالار مينيسترلىگىندە 912 بوس ورىنعا زاڭگەر, ەكونوميست, ەسەپشى, باعدارلاماشى, مەترولوگ, مەنەدجەر, الەۋمەتتىك جۇمىسشى جانە ت.ب. ماماندىقتار بويىنشا 123 شارت جاسالىپتى.

قازىرگى ۋاقىتتا جۇمىسپەن قامتۋ ورتالىعى جاستار پراكتيكاسىن ۇيىمداستىرۋ بويىنشا قالا­لىق جۇمىس بەرۋشىلەردەن ءوتىنىم قا­بىل­داۋدا. سونىمەن بىرگە مۇندا ءۇش اي وقۋ مەرزىمىمەن «اسپاز», «تىگىنشى», «مەكتەپكە دەيىنگى ءبىلىم بەرۋ ءتار­بيەشىسى», 10 اي وقۋ مەرزىمىمەن «بايلانىس مونتاجشىسى-كابەلشى», «تىگىنشى», «ءپىشۋشى», «كۇتۋشى-كىشى مەيىربيكە» ماماندىقتارى بويىنشا كاسىپتىك بەيىمدەۋدەن وتۋگە تىلەك ءبىل­دىرگەندەردەن وتىنىشتەر قابىلدانۋدا. باعدارلاماعا قاتىسۋ ءۇشىن جۇمىسسىز ازاماتتار اۋدانى بويىن­شا جۇمىسسىز رەتىندە تىركەلىپ, جۇمىسپەن قامتۋ ور­­تالىعىنا كەلىپ ءوتىنىش جازۋى قاجەت.

گۇلبارشىن وكەشقىزى