ەلورداداعى قاپال كوشەسىندە ورنالاسقان 80 پاتەرلى كوپقاباتتى ۇيدە جىلۋ جوق. كۇزدىڭ قارا سۋىعى باستالسا دا, جاۋاپتى ماماندار قوزعالار ەمەس دەيدى تۇرعىندار. ءۇيدىڭ پايدالانۋعا بەرىلگەنىنە 5 جىل بولعان. بىراق ماسەلە ءالى شەشىمىن تابار ەمەس.
نىسان ءتىپتى ورتالىقتاندىرىلعان جىلۋ جۇيەسىنە دە قوسىلماعان. سوندىقتان جۇرت امالسىزدان ەلەكتر پەشىن پايدالانۋعا ءماجبۇر. ال ول ەلەكتر اقىسىن ەسەلەپ ارتتىرىپ جىبەرگەن. تۇرعىندار وسى ماسەلە بويىنشا جاۋاپتى مەكەمەلەردىڭ تابالدىرىعىن ابدەن توزدىرعان. بىراق ولارعا قۇلاق اسقان ەشكىم تابىلماپتى. مۇلىكتىك مەنشىك يەسى دينارا سۇلتانوۆا دا ساۋىردەن بەرى جىلۋ سۇراپ تالاي ەسىكتى قاققانىن ايتىپ وتىر. ودان دا ەش ناتيجە شىقپاعان.
قالالىق وتىن-ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ اتالعان تۇرعىن ءۇيدىڭ جىلۋ ورتالىعىنا قوسىلمايتىنىن, وعان قاراشانىڭ سوڭىنا دەيىن اۆتونومدى گاز قۇبىرى تارتىلاتىنىن جەتكىزدى.
