Кеше алғыс күнін атап өттік. Көктемнің жаршысындай болған бұл атаулы күнде Сарыарқа ауданының әкімдігі бір топ қариялардың басын қосып, алғыстарын жаудырды. Солардың ішінде сексеннің сеңгіріне шыққан ауданның ардагер тұрғыны Ұзақбай Маминге ерекше құрмет көрсетілді.
Мерекелік жиынға ауданның құрметті қариялары, ардагерлер ұйымының мүшелері, аудан әкімдігінің қызметкерлері қатысты. Сарыарқа ауданының әкімі Арман Тұрлыбек сөз бастап, қоғам қайраткері Ұзақбай Маминнің талай жылғы еңбек жолынан қысқаша хабар беріп, мерейтойымен құттықтады. Қарияға құрмет көрсетіп, үлкен көлемдегі портретін сыйға тартты.
– Бүгін – көктемнің бірінші күні. Осы күн мен үшін ерекше басталды. Сексен жасқа толуымды ескерусіз қалдырмаған Сарыарқа ауданының әкімдігіне ризашылығымды білдіремін.
Бұл жасқа келгенше талай жерде қызмет етіп, қаланың дамуына азды-көпті еңбегіміз сіңді. Өзім еңбекке ерте аралас-тым. Құрылысшы да болдым. Осы қалада 1963 жылдан бастап өмір сүріп келемін. Астанада шаңырақ көтердім, балалы-шағалы, үбірлі-шүбірлі болдым. Қазір әулетіме ғана емес, осы ауданға да қадірім барына қуаныштымын, – деп Ұзақбай ақсақал ағынан жарылды.
Басқосуда құрметті қариялар жеке-жеке сөз алып, Ұзақбай Маминнің Астананың қалыптасуына сіңірген еңбегі жөнінде баяндап, туған күнімен құттықтады.
Орынбек ӨТЕМҰРАТ
