Сарыарқа ауданында биыл 7 аула мен 3 қоғамдық кеңістік абаттандырылады. Бүгінде «Көктал-1» тұрғын алабында Ақтолқын-Бастаңғы көшелері мен Жұмбақтас көшесінің қиылысында орналасқан 2 қоғамдық кеңістікті абаттандыру бойынша жұмыстар аяқталды.
Аулалар мен қоғамдық кеңістіктерде футбол алаңы, воркаут аймақтар, балалар ойын алаңдары орналасқан. Сонымен қатар саябақтарда, скверлерде, бульварларда тұрғындардың демалысына қолайлы, тыныш аймақтар қарастырылып, шырша, үйеңкі және бөртегүл отырғызылды. Сондай-ақ биыл «Агроқалашық» тұрғын алабы аумағында Оқжетпес-Герцен көшелерінің қиылысындағы қоғамдық кеңістікті абаттандыру жоспарланған. Бүгінгі таңда сквердің жобасы бекітілді.
