«Астана Опера» мемлекеттік академиялық опера және балет театрының алғашқы шетелдік гастролі Мария театрында өтті.
Санкт-Петербургтың талғампаз көрермені алдымен қазақ өнерінің інжу-маржаны «Біржан-Сара» операсын тамашалады. Бұл шығарманы атақты әншілер Ахмед Ағади мен Нұржамал Үсенбаева қосылып шырқады. Астана әртістерінің сахналаған «Аттила» операсы да көрерменнің көңілінен шықты. Бұдан басқа астаналықтар әлемдік хореография жауһарларының үздік балет қойылымдарын көрсетті.
