Нұр-Сұлтанда жылы аялдамаларды қысқы кезеңге дайындау жұмыстары жүргізілді.
«Күн райының күрт сууына және қала тұрғындарының өтініштеріне байланысты жылы аялдамаларды іске қосу жұмыстарын бастап кеттік. Аялдамаларды жарық көзімен және жылумен толықтай қамтамасыз етіп отырмыз. Пайдалануға берер алдында санитарлық тазалық жұмыстарын екі ауысымда ыждаһаттылықпен жүргізіп жатырмыз» деді жол қозғалысы қауіпсіздігі және көлік инфрақұрылымы бөлімінің басшысы Руслан Абдуалиев.
Еске сала кетейік, бұған дейін карантин жағдайында жылы аялдамалар уақытша жабылған еді.
