Астананың орталығында көкке бой созып тұрған «Бәйтерек» – қазіргі Қазақстанның нышан-символы, қазақ халқының қайта өрлеуі мен түлеуінің, мемлекеттілігінің, биіктік пен тереңдіктің, кеңдіктің белгісі, дархандықтың көрінісі іспетті. ЭКСПО халықаралық көрмесі ашылғалы бері «Бәйтеректің» ұшар басына шығып, Есілдің екі жағалауында жатқан бас шаһарымызды биіктен тамашалаушылар саны жүз мыңға жуықтаса, соның 25 мыңы балалар екен. Иә, биылғы жазда «Бәйтерекке» шығуға кезек көп. Кел де көр!
