Жаңалықтар
Балаларға қуаныш сыйлады
«Мамандандырылған балалар үйі» мемлекеттік коммуналдық мекемесінде мүмкіндігі шектеулі балалар мен олардың ата-аналарына көмек көрсету мақсатында «Ботақан» және «Күнім» оңалту-сауықтыру топтары ашылды.
Салтанатты шара барысында мекеме қызметкерлерінің ұйымдастыруымен бүлдіршіндердің шағын мерекелік концерті көрсетіліп, орталықтың қызыл лентасы кесілді. Шараға қатысқан Нұр-Сұлтан қаласы әкімінің орынбасары Бақтияр Мәкен жиылған қауымды арнайы топтардың ашылуымен құттықтап, әкімшілік атынан мекемеге балаларға арналған арнайы сыйлықтарын табыстады. Сонымен қатар балалар үйімен танысу экскурсиясы ұйымдастырылды.