Ел тынысы
Бангкокта қазақтың дәстүрлері мен әдет-ғұрыптары көрсетілді
«Наурыз» апталығын өткізу аясында Қазақстанның Таиландтағы Елшілігі «Наурыз» мерекесі қарсаңында дипломатиялық корпус үшін қазақ дәстүрлері мен әдет-ғұрыптарына арналған мерекелік іс-шара ұйымдастырды, деп хабарлайды astana-akshamy.kz.
Іс-шара Шығыстағы ең көне мерекелердің бірі – еліміздің тарихы мен мәдениетінің ажырамас бөлігіне айналған «Наурыз» мерекесінің пайда болуы туралы баяндайтын тұсаукесерден басталды.
Мереке қонақтары «тұсау кесу», «шашу» сияқты түрлі мерекелік әдет-ғұрыптармен және «Наурыз қоржын» сыйлық беру дәстүрімен танысты. Сонымен қатар, безендірілген киіз үйде қонақтар ұлттық киімдер киіп, домбыра ұлттық аспабында ойнады және қазақ ұлттық тағамдарының дәмін татты.