Республика күні мерекесінде «Астана ақшамы» газеті қызметкерлері мемлекеттік наградаға ие болды.
«Астана ақшамы» газетінің бас редакторы, Қазақстанның еңбек сіңірген қайраткері, Президент сыйлығының лауреаты Еркін Қыдыр «Құрмет» орденімен, газет шолушысы, ардагер журналист Таңатар Төлеуғалиев «Ерен еңбегі үшін» медалімен марапатталды.
Газет тілшісі Гүлбаршын Өкешқызы Астана қаласы әкімінің «Алғыс хатын» алды.
Мәртебелі мереке аясында ұзақ жылдар қазақ баспасөзіне ерен еңбек сіңіріп келе жатқан әріптестерімізді марапаттарымен құттықтап, шығармашылық табыс тілейміз.
