25 қыркүйекте Астанада Еуразиялық экономикалық кеңес өтеді. Оған Қазақстан тарапынан Премьер-министр Серік Ахметов, оның ресейлік және белоруссиялық әріптестері Дмитрий Медведев пен Михаил Мясникович қатысады. Кеңес барысында Кедендік одаққа мүше үш елдің Еуразиялық интеграция мәселелері талқыланбақ. Бақылаушы ретінде кеңеске Украина және Қырғызстан елдерінің Премьер-министрлері де қатысады деп күтілуде. Сол күні Елбасы Нұрсұлтан Назарбаев Қазақстан, Ресей және Белоруссия Үкімет басшыларын қабылдайды деп жоспарлануда.
