Jaqynda QR Parlamentı Senatynda ötken keŋeitılgen otyrysta elordalyq densaulyq saqtau salasynyŋ tüitkıldı mäselelerı talqylandy. Būl turaly Astana qalasy mäslihatynyŋ hatşysy Erlan Kanalimov mälım ettı.
Ol atalǧan otyrysta şūǧyl şeşımın qajet etetın bırqatar özektı mäselelerdı kötergenın atap ötken. Sonyŋ ışınde elordada emdeu mekemelerınıŋ jetıspeuşılıgı turaly mäselenı ortaǧa salǧan.
– Soŋǧy 10 jylda elordada bırde-bır auruhana, bırde-bır perzenthana salynbaǧan. Al qalamyz qarqyndy damyp, halyq sany jyldam ösıp keledı. Tek soŋǧy 9 aida elordaǧa 100 myŋnan astam adam kelgen. Däl sol tızımde kadrlardy daiarlau, mamandar tapşylyǧy jäne medisina qyzmetkerlerınıŋ ömır süru jäne eŋbek etuıne qolaily jaǧdai jasau mäselelerı bar. Men būl otyrysta respublikalyq biudjet esebınen elordanyŋ sol jaǧalauynda kemınde 350 oryndyq köpsalaly qalalyq balalar auruhanasyn salu qajettıgın aittym. Respublikalyq qarjylandyrudy qajet etetın mūndai mysaldar köp, – deidı E.Kanalimov.
Sondai-aq ol «SQ-Farmasiia» JŞS-tıŋ därı-därmek satyp alu salasyndaǧy reformalary, jedel järdem jürgızuşılerınıŋ jalaqysyn köteru, qoldanystaǧy sanitarlyq normalar jäne erejelerge özgerıster men tolyqtyrular engızu jäne t. b. mäselelerdı qozǧaǧan. Aitylǧan barlyq ūsynystar men eskertuler eskerıletın bolǧan.
