Elorda köşelerıne jaŋadan jäne qaita atau beru turaly ūsynystar Astana qalasy mäslihaty tūraqty komissiialarynyŋ köpşılık tyŋdauynda qaralyp, deputattar tarapynan qoldau tapty. Ūsynystardy Astana qalasy Tılderdı damytu jäne arhiv ısı basqarmasynyŋ basşysy Säken Esırkep jariia ettı. Onyŋ aituynşa, endı būl ūsynystar sessiiaǧa ūsynylady, sodan keiın respublikalyq onomastika komissiiasyna jıberıledı.
– Atap aitqanda, Nūra audany boiynşa E108 jobalyq köşege majar aqyny Şandor Petiofidıŋ esımın beru kerek. Vengriia astanasy Budapeştte Astana dep atalatyn köşe jäne Abai Qūnanbaiūlynyŋ eskertkışı bar. Bızdıŋ ūsynysymyz da ekı memleket arasyndaǧy diplomatiialyq bailanysty odan ärı tereŋdetu maqsatynda qolǧa alynyp otyr. Al Esıl audany boiynşa №28/1 jobalyq köşege Aziianyŋ batys bölıgındegı tübek, qazırgı Türkiia aumaǧynyŋ ortaŋǧy bölıgı Anadolu atauyn beru, №29/1 jobalyq jäne Türkıstan köşesınen bastalatyn, Ūly dala daŋǧylynda aiaqtalatyn atausyz köşege Qazaqstan Premer-ministrı Nūrlan Balǧymbaevtyŋ esımın berudı ūsynamyz, – dedı S.Esırkep.
Baiqoŋyr audanyndaǧy «Egemen Qazaqstan» gazetı köşesınıŋ boiynda ornalasqan atausyz saiabaqqa «Jurnalister saiabaǧy» atauy berıledı. Nūra audany boiynşa E13 jobalyq köşege körnektı memleket jäne qoǧam qairatkerı, qazaqtan şyqqan alǧaşqy käsıbi diplomat Näzır Töreqūlūlynyŋ esımın beru közdelude. E29 jobalyq köşege küişı-kompozitor, dombyraşy Tättımbettıŋ esımın bermek. Al E33 jobalyq köşege türkı halyqtaryna ortaq ūly oişyl, jyrau Qorqyt atanyŋ esımın beru maqūldandy. Baiqoŋyr jäne Almaty audandarynda ornalasqan äl-Farabi daŋǧylyn Aqjol atauymen qaita atau ūsynyldy. Esıl audany boiynşa Säbit Mūqanov köşesıne Şyǧys Qazaqstan oblysyndaǧy eldı meken atauy Şūbartau degen atauymen qaita atau turaly aityldy. Almaty audanyndaǧy būrynǧy Geidar Äliev köşesıne aqyn jäne audarmaşy, ädebiettanuşy, balalar jazuşysy Mūzafar Älımbaevtyŋ atyn beru kerektıgı mälımdeldı. A40 jobalyq köşege aqyn, QR Memlekettık syilyǧynyŋ laureaty Syrbai Mäulenovtıŋ, A564 jobalyq köşege qazaq multiplikasiia önerınıŋ negızın qalauşy, suretşı, kinorejisser, professor Ämen Qaidarovtyŋ esımın beru közdelıp otyr. A30 jobalyq köşege belgılı jazuşy-dramaturg, jurnalist Oralhan Bökeidıŋ esımın beredı.
