Prezidenttıŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauyn ūjymmen tyŋdadyq. 22 jyldyq täjıribesı bar ūstaz retınde bılım beru salasyndaǧy jastar tärbiesı, sapaly bılımmen qarulanǧan sanaly ūrpaq daiarlau mäselesı menı de bei-jai qaldyrmady.
Memleket basşysy Qasym-Jomart Toqaevtyŋ būl jolǧy Joldauynda aiqyndalǧan maŋyzdy strategiialyq mındetter men tereŋ maǧynaly qūndylyqtar qataryna köptegen özektı jäne maŋyzdy dünie endı. Ūlt ūstazy Ahmet Baitūrsynūlynyŋ «Bız äuelı eldı tüzetudı bala oqytu ısın tüzetuden bastauymyz kerek» degen sözın basşylyqqa ala otyryp, Ädılettı Qazaqstan qūramyz desek, saiasi-ekonomikalyq reforma jasau jetkılıksız, eŋ bastysy, qoǧamdyq sana, azamattardyŋ nietı özgeruı kerek. Jaŋa Qazaqstannyŋ jaŋa tūrpatty jastaryn otanşyl, bılımpaz, eŋbekqor, tärtıptı, adal, ädıl etıp tärbielesek, elımız özınıŋ maqsat-mūratyna qol jetkızetını sözsız. Abaidyŋ «Tolyq adam» ılımın negızge ala otyryp, jastardy adaldyq joq jerde eşqaşan ädıldık bolmaitynyna tärbieleu, Ädılettı Qazaqstan qaǧidatyn qaperde ūstau kerektıgı turaly Joldaudaǧy mındetter bılım salasynyŋ ökılderıne zor jauapkerşılık jükteidı.
Bala tärbieleudegı barşa ūstazdar qauymynyŋ basty maqsaty – üzdıksız bılım beru jüiesınde, iaǧni balabaqşadan bastap joǧary oqu ornyna deiın berıletın sapaly bılım men taǧylymdy tärbiede adal azamat qalyptastyru. Būl rette Prezidentımız «Ädılettı Qazaqstan» men «Adal azamat» siiaqty ūǧymdardyŋ qoǧamymyzda basymdyq tanytuy tiıs ekenın aita kele, jastar arasyndaǧy kreativtılık, mobildılık, aşyq sūhbatqa daiyndyq siiaqty qasietterdıŋ keŋınen taraluyna nazar audardy.
Joldauda qozǧalǧan maŋyzdy mäsele – bılım beru jüiesın reformalau, onyŋ ışınde sapaly bılım alu, sondai-aq qauıpsız balalyq şaqty qamtamasyz etu. Bılım aludaǧy teŋdıktı qamtamasyz etu maqsatynda Qasym-Jomart Kemelūly bes jastan asqan balalarǧa arnalǧan «Keleşek» atty bıryŋǧai erıktı jinaqtau jüiesın engızudı tapsyrdy. Būl baǧdarlamada memleket tarapynan ūsynylatyn bastapqy bılım beru kapitaly, jyl saiynǧy memlekettık syiaqy jäne investisiialyq tabys qarastyryluǧa tiıs. Osy jinaq pen «Ūlttyq qor – balalarǧa» jobasynyŋ qarajaty qosylǧanda, jas ūrpaqtyŋ sapaly bılım aluyna mümkındık tuady.
Adal azamat jäne tūǧyrly tūlǧa boludyŋ negızı bala kezden qalyptasady. Sondyqtan bız jas ūrpaqtyŋ qauıpsız ärı alaŋsyz ömır süruı üşın qoldan kelgennıŋ bärın jasaimyz. Kämeletke tolmaǧandarǧa qatysty zorlyq-zombylyqtyŋ kez kelgen türıne jaza qataŋdasa, onyŋ ışınde bılım beru mekemelerınde psihologiialyq qoldau qyzmetı küşeise, bıryŋǧai senım telefony ūiymdastyrylyp, zorlyq-zombylyq pen qorqytu qūrbandaryna kömek körsetudıŋ naqty baǧdarlamasy äzırlense, bügıngı buynnyŋ bolaşaǧyna däl qazırgıdei alaŋdamaǧan bolar edık. Bız mädeniettı, bılımdı, ǧylymdy damytu arqyly qazırgı aşyq älemnıŋ bır bölşegı boluǧa ūmtyludamyz. Būl maqsatqa jetu jolynda bır qoldan jeŋ, bır jaǧadan bas şyǧaryp, bırıksek qana nätijege qol jetkızemız. Erteŋge degen ümıt pen senım ūialatatyn būl Joldau elımızdı jaŋa beleske jeteleidı dep oilaimyn.
Nūrgül AQBANOVA,
J.Jabaev atyndaǧy №4 mektep-gimnaziia mūǧalımı
