Memlekettık qyzmetterdı sapaly körsetu mäselesınıŋ özektılıgı memlekettık qyzmetter adam ömırınıŋ barlyq salalaryn jäne bükıl kezeŋın qamtitynymen tüsındırıledı. Jyl saiyn memlekettık qyzmetter sūranysqa ie bolyp keledı.
QR Memlekettık qyzmet ısterı agenttıgı memlekettık qyzmetter körsetu sapasyn baǧalau jäne baqylau jönındegı uäkılettı organ retınde öz qūzyretı şegınde memlekettık qyzmetter körsetu salasyndaǧy memlekettık saiasatty ıske asyrudy qamtamasyz etedı.
2022 jylǧy eseptı derekterdıŋ monitoringı Astana qalasynyŋ memlekettık organdary men ūiymdarynyŋ 18,1 mln memlekettık qyzmet körsetkenın körsettı, būl ötken jylmen salystyrǧanda 1 mln qyzmetke (2021 j. 17,1 mln) artyq, onyŋ ışınde: memlekettık korporasiianyŋ filialy arqyly 1 mln (5,8%), qaǧaz türınde (keŋse arqyly) 1,7 mln (9,2%), elektrondy türde 15,4 mln (85%).
«QR Memlekettık körsetıletın qyzmetter turaly» zaŋyna säikes, uäkılettı organnyŋ negızgı funksiialarynyŋ bırı – memlekettık körsetıletın qyzmetterdıŋ sapasyn, onyŋ ışınde körsetıletın qyzmettı aluşylardyŋ şaǧymdary boiynşa memlekettık baqylaudy jüzege asyru, sondai-aq taldau jäne monitoring negızınde olardy körsetu kezınde būzuşylyqtardyŋ aldyn aluǧa jäne körsetıletın qyzmettı aluşylardyŋ qūqyqtary men zaŋdy müddelerın qamtamasyz etuge baǧyttalǧan ūsynystar äzırleu.
Mäselen, 2022 jyly QR Memlekettık qyzmet ısterı agenttıgınıŋ Astana qalasy boiynşa departamentıne (būdan ärı – departament) 136 ötınış kelıp tüstı: 33 ötınış boiynşa tekseruler jürgızıldı, 27 ötınış sūrau salu jolymen qaraldy, 21 ötınış beruşınıŋ ötınışhaty negızınde toqtatyldy.
Ötınışterdıŋ köp sany körsetılgen memlekettık qyzmetterdıŋ jalpy sanynyŋ ūlǧaiuymen bailanysty dep esepteimız, ekınşı jaǧynan, būl halyqtyŋ uäkılettı organ turaly habardar bolǧanyn jäne oǧan degen senımın arttyruyn körsetedı.
Memlekettık qyzmetterdıŋ jiı şaǧymdanatyn salalary:
– jer qatynastary, qūrylys jäne jyljymaityn mülık salasy – 30,3%;
– äleumettık sala jäne medisina – 12,5%;
– tūrǧyn üi qatynastary salasy – 8,1%.
Negızdı ötınış bıldırgenderdıŋ 100% qūqyqtary qalpyna keltırıldı jäne qorǧaldy, onyŋ ışınde: 6 tekseru qorytyndysy, 2 sūrau salu qorytyndysy boiynşa.
Mysaly, azamat E.S.Şaimardan ūzaq uaqyt ışınde «Astana qalasynyŋ Jūmyspen qamtu jäne äleumettık qorǧau basqarmasy» MM (būdan ärı – basqarma) Semei iadrolyq synaq poligonyndaǧy iadrolyq synaqtardyŋ saldarynan zardap şekken azamat retınde kuälık ala almady.
Departamentpen tekseru jürgızılgennen keiın ǧana onyŋ qūqyqtary qalpyna keltırılıp, tiıstı jeŋıldıkter aluǧa mümkındık alyndy, sondai-aq memlekettık qyzmet körsetuden bırneşe ret negızsız bas tartqany üşın basqarmanyŋ lauazymdy tūlǧalaryna qatysty tärtıptık şaralar qabyldandy.
Azamatşa T.A.Täjiddinovaǧa bır jyldan astam uaqyt boiy atauly äleumettık kömek aludan bas tartyldy. Departamentpen onyŋ şaǧymy negızınde tiıstı şaralar qabyldanyp, qūqyqtary qalpyna keltırıldı. Osylaişa, qyzmet aluşy otbasynyŋ äleumettık sūraǧy şeşıldı.
52 baqylau ıs-şarasy ötkızıldı, onyŋ ışınde: jeke jäne zaŋdy tūlǧalardyŋ ötınışterı boiynşa – 33 tekseru, memlekettık organdardyŋ habarlauy negızınde – 4, profilaktikalyq baqylau – 15.
Tekseru qorytyndysy boiynşa 7346 būzuşylyq anyqtaldy, qyzmet körsetu sapasyn jaqsartu boiynşa 90-nan astam ūsynym äzırlendı, körsetıletın qyzmettı beruşılerdıŋ 11 qyzmetkerı tärtıptık jauapkerşılıkke tartyldy.
QR ÄQBtK 465-baby boiynşa rūqsat qūjattaryn beru tärtıbın būzǧany üşın 2 lauazymdy tūlǧa äkımşılık jauapkerşılıkke tartyldy, qysqartylǧan tärtıppen 76575 teŋge mölşerınde aiyppūl somasy öndırıldı.
Eŋ jiı anyqtalǧan būzuşy-lyqtar:
– memlekettık qyzmet körsetu räsımderın būzu – 3009 (41%);
– memlekettık qyzmet körsetu merzımderın būzu – 1955 (26,6%);
– qyzmet körsetuden negızsız bas tartu – 442 (6%).
Eŋ jiı anyqtalatyn salalar:
– densaulyq, medisina jäne densaulyq saqtau – 1998 (28%);
– tūrǧyn üi-kommunaldyq şaruaşylyq – 1659 (22,5%);
– jeke tūlǧalar men azamattardy tırkeu – 1789 (24,3%).
«E-lisenziialau» aqparattyq jüiesınde memlekettık qyzmetter körsetu sapasyna jürgızılgen qaşyqtan monitoring qorytyndysy boiynşa 51 būzuşylyq anyqtaldy, «Ūlttyq aqparattyq tehnologiialar» AQ süiemeldeuımen «HQKO İAJ monitoringı» kışı jüiesınde memlekettık qyzmetter körsetu merzımınıŋ būzylu sebepterın anyqtau boiynşa 224 rastalǧan fakt anyqtaldy, tiıstı şaralar qabyldanyp, körsetıletın qyzmettı beruşılerge ūsynymdar engızıldı.
Astana qalasy äkımı apparatynyŋ jäne JAO basqarmalarynyŋ memlekettık qyzmetter körsetu salasyndaǧy zaŋnamany saqtau jönındegı baqylau ıs-şaralarynyŋ josparlary aiasynda departament 20 JAO-da jäne vedomstvolyq baǧynysty ūiymdarda bırlesken ışkı baqylau jürgızdı, qorytyndysy boiynşa 3376-sy anyqtalyp, memlekettık qyzmetter körsetu sapasyn jaqsartu boiynşa 112 ūsynys engızıldı.
Memlekettık qyzmetter körsetudıŋ biznes-prosesterın taldau
«Elektrondyq ükımet» portalynda memlekettık qyzmetterdıŋ jūmys qabılettılıgı men qoljetımdılıgıne tūraqty negızde monitoring, sondai-aq memlekettık qyzmetter körsetudıŋ biznes-prosesterın taldau jürgızıledı, olardy joiu jäne körsetıletın qyzmettı beruşılerdıŋ aqparattyq jüielerındegı problemalar boiynşa 100-den astam ūsynystar engızıldı, olar: «memlekettık qyzmetter körsetu prosesın qūqyqtyq retteudı baǧalau», «memlekettık qyzmetterdı avtomattandyrudy jäne tehnikalyq mümkındıkterdı baǧalau», «memlekettık qyzmet körsetu üderısterın jetıldıru» baǧyttary boiynşa.
Mysaly, «Atyn, äkesınıŋ atyn, tegın auystyrudy tırkeu, onyŋ ışınde azamattyq hal aktılerınıŋ jazbalaryna özgerıster, tolyqtyrular men tüzetuler engızu» memlekettık qyzmetın zerdeleu kezınde «jasyryn qyzmet», iaǧni memlekettık körsetıletın qyzmet belgılerıne säikes keletın funksiia anyqtaldy.
Atalǧan memlekettık qyzmet körsetu üşın qajettı qūjattardyŋ tızbesı «elektrondyq ükımet» portalynda qoljetımdı nekelık qūqyq qabılettılıgı turaly anyqtamany qamtidy. Osy anyqtamany alu üşın, eger körsetıletın qyzmettı aluşy QR şegınen tys jerde nekede tūrsa, nekenı (erlı-zaiyptylyqty) būzu turaly kuälıktıŋ nemese jūbaiynyŋ (zaiybynyŋ) qaitys boluy turaly kuälıktıŋ köşırmelerı qosymşa qosa berıledı. Anyqtamany kez kelgen tırkeuşı organ AHAJ AJ mälımetterı negızınde beredı. Alaida anyqtama alu tärtıbı rettelmegen.
Bügıngı taŋda, QR Sifrlyq damu, innovasiialar jäne aeroǧaryş önerkäsıbı ministrınıŋ 18.05.2022 j. №170/NQ būiryǧyna säikes, atalǧan funksiia memlekettık qyzmettıŋ būl kışı türı bolyp memlekettık qyzmetter tızılımıne engızılgen jäne osylaişa osy qyzmettı aludyŋ aşyqtyǧy üşın biznes-prosesı aiqyndaldy.
Şynynda da, aiqyn jäne bırkelkı erejeler men standarttar arqyly memlekettık qyzmetterdı körsetudıŋ aşyq jäne tiımdı prosesın ūiymdastyru körsetıletın qyzmettı beruşı men tūtynuşy arasyndaǧy qatynastardyŋ naqtylyǧyn tudyryp qana qoimaidy, sonymen qatar, lauazymdy tūlǧalardyŋ qyzmet körsetudegı subektivtı täsılın joiady, memlekettık organdarda sybailas jemqorlyq täuekelderınıŋ därejesın azaitady.
Sondai-aq, departamentpen «Memlekettık tūrǧyn üi qorynan tūrǧyn üige nemese jeke tūrǧyn üi qorynan jergılıktı atqaruşy organ jaldaǧan tūrǧyn üige mūqtaj azamattardy esepke alu jäne kezekke qoiu, sondai-aq jergılıktı atqaruşy organdardyŋ tūrǧyn üi beru turaly şeşım qabyldauy» memlekettık körsetıletın qyzmetı boiynşa ūsynys engızıldı.
QR İndustriia jäne infraqūrylymdyq damu ministrınıŋ 13.08.2021 j. №441 būiryǧyna säikes, memlekettık qyzmet körsetu merzımı ötınım tüsken sätten bastap 15 jūmys künınen keşıktırılmei, alaida «Shanyraq» tūrǧyn üige kezekke qoiu» AJ-da körsetıletın qyzmettı beruşıde ötınımderdı öŋdeudıŋ jäne körsetılgen merzımnen būryn esepke qoiudyŋ tehnikalyq mümkındıgı bolmaǧany anyqtaldy.
Departamenttıŋ ūsynymynan keiın körsetıletın qyzmettı beruşı uäkılettı ūiymdarmen bırlesıp aqparattyq jüienı jetıldıru prosesın aiaqtap, qazırgı uaqytta körsetıletın qyzmettı beruşıde joǧaryda körsetılgen memlekettık qyzmettı memlekettık qyzmet körsetu qaǧidalarynda belgılengen merzımnen būryn jäne tūrǧyn üi aluǧa esepke qoiudy keşıktırmei körsetuge mümkındık bar.
Osylaişa, azamattar qazırgı zamannyŋ eŋ ötkır äleumettık mäselesınıŋ bırı – tūrǧyn üi mäselesın şeşu prosesın jedeldetu mümkındıgıne ie boldy, būl öz kezegınde eldıŋ tūrǧyn üi saiasatyn, tūrǧyn üige qoljetımdılıktı qamtamasyz etu instituttaryn jäne olardyŋ özara ıs-qimylyn bıryŋǧai tetıkte qalyptastyruǧa äser etedı.
Memlekettık organdardyŋ maŋyzdy mındetınıŋ bırı – halyqqa memlekettık qyzmet körsetu sapasy, ol qyzmet körsetu prosesınıŋ jeŋıldıgımen, qoljetımdılıgımen, aşyqtyǧymen, ony arttyru boiynşa tūraqty jūmysymen, sondai-aq qyzmetkerlerdıŋ jedeldıgı men qūzyrettılıgımen baǧalanady.
Departament memlekettık qyzmet körsetu sapasyn jaqsartuǧa, azamattardyŋ senım deŋgeiın arttyruǧa jäne sybailas jemqorlyq täuekelderın barynşa azaituǧa baǧyttalǧan jūmystardy belsendı jürgızude.
Memlekettık qyzmet körsetu kezınde sızdıŋ qūqyǧyŋyz būzylǧan jaǧdaida, departamentke Saryarqa daŋǧyly, 13 mekenjaiy boiynşa jazbaşa türde, «elektrondyq ükımet» portaly nemese «e-ötış» azamattardyŋ barlyq ötınışın qabyldau men öŋdeudıŋ bıryŋǧai platformasy arqyly jügıne alasyz.
QR Memlekettık qyzmet ısterı agenttıgınıŋ Astana qalasy boiynşa departamentı
